****
اول من قال لو سحب المليفي استجوابه فقد كفى و وفى
و قد انتقدني بعض الزملاء من وجهة نظرهم
و لكن كنت انظر للموضوع ببعد نظر
اتمنى ان تشاركوني بها
تخيلوا ثلاث سلطات تعمل ضدك بهذا الاستجوب
السلطة التشريعية
السلطة التنفيذيه
السلطة الرابعة
لقد قلت كفى و وفى المليفي
عندما قام باعلان نية الاستجواب
لتسقط كل الاقنعة التي بحثت عن شماعة لتعلق عليها العذر
وهي شماعة التوقيــت
للنظر معا ماذا حدث بشماعة التوقيت
بشماعة التوقيت
و خلال ايام قصيرة من اعلان بعض بنود المحاور
مرسوم بسحب الجنسيات التي صرفت بغير حق
اضف الى ذلك و هو الاهم فعلاً
تشكيل لجنة تحقيق بهذه التجاوزات و محاسبة المسؤول
مرفق لكم الصور
مرسوم اخر و لاحظوا معي ايها الاخوة
اعتراف مجلس الوزراء بتجاوزات و اقرار بالمخالفات و تحقيق بالموضوع
و لمدة ثلاث اشهر
اي وجود مده زمنية محددة
و الاهم ايضا
تحديد المتسبب
و مرفق لكم صور
******
الاهم من هذا و ذاك
لقد تم قطف العنب من عدة محاور بالاستجواب المقدم
و يبقى احد المحاور وهو ادارة البلد
و الذي سوف يكون فعلا في مشروع الخطة الخمسية التي ستقدم و من هنا فعلا ستحاسب الحكومة فعلياً و اجبارا لكل اعضاء السلطة التشريعية بالتعامل مع هذا الحدث
البعض اخذ يطلع صوته حاليا وقبل ساكت و دايخ بس بالتعليقات
حاله كحال ناصر الصانع اليوم يتسأل عن ملف الجنسية
و اقول له
لقد تم قطف العنب
و خلينا لك الباقي ورنا شطارة ربعك
بالمناسبة شخبار المصفاة الرابعة ما شفت اي تعليق على المذكرة القانونية
اعجبتني فعلا شماعة التوقيت و رئينا فعلا كم هي تعيق البلد
كل هذه الامور حدثت فقط خلال ايام معدوده وهم ما توقف حال البلد
على قولة اخوانا المصريين كافي بكش
على طاري البكش
اشاريكم تشوفوا اللي وقعوا على تحويل مخالفات ديوان سمو رئيس مجلس الوزراء الى ديوان المحاسبة
و بعدين شك بوم
كشت الورقه و كشت اسمائهم
شوفوهم عند الزميل اكزومبي
قيل من البعض الذي اصبح مدافعا عن الاستجواب حاليا
ان الاستجواب شخصاني ونقول له هالكيف يستوي الغش بالتجارة
و كاسك يا وطن له وجهة نظر
و مقهور رايه واضح
و العزيز
As U like
و كله بالوثايق وثيقه وثيقه
علشان هيك يالضعيف
المليفي ما تكلم و لا صار عجول نفسك الا لما يشوف الوثايق و المراسيم
******
تحديث البيان كامل
هناك 25 تعليقًا:
خل يتعلمون منه
لان الفشل راكبهم
والنواب يصير خير
شكرا
احمد المليفي
الخوف يعمي الشوف !! تكش اسمائهم ليش ما تكش ؟؟وتكش ذممهم قبل اسمائهم !! وما اسميتهم كتاب المآته ما ينشره عليهم لأنهم بوق ينفخ من أجل مصالح ولي نعمتهم !! وربع البكش لازم يراوغون بيشوفون المايه وين رايحه لصالحهم والا لأ كعوايدهم!! آل شخصاني آل ؟؟
اقول هالأشكال يخب عليها المجلس البلدي
الا قولي اخيي علامهم هالنواب على كل قناة يدوجون وبكل برنامج يخنبقون ؟؟
ياخوفي بس لا اشوفهم على
saturday night live
شكرا جزيلا اخوي خالد على ما تبذله من جهد لتوضيح امور يجهلهاالكثير من أمثالي وكذلك شكرا لتعريتك لبعض نواب الغفلة
تبا لتبا
نحشت الفقع الله يهداك
بس في عندي سؤال
الصقر وينه غاط، لا يكون لاهي مع نواب مجلس الامة العربية العظمى؟
شهادتي مجروحة فيه
الا ان انا قلت اتوقع شى يوم الاربعاء بس شنو لى الحين ما ادري وخل ننطر اليوم ونشوف
يعني يرد الروح؟
والثاني ذاك يرد الروح لي الحين والا؟
اذا ما قدم الاستجواب يطلع مو ريال
الخطه الخمسيه مطروحه صارلها مده ليست دليل على امكانية ناصر المحمد على الاداره
هذا التراجع اعتبره جبن وترك مستقبل الكويت الي كنت اتأمل المليفي حاطه نصب عينه
افا افا افا افا
ما تدرون اشكثر انا مصدوم من هذا التراجع انتهى اخر الرجال في المجلس
عاجل
***
ما يتعلمون
kuwaitawy
***
و الشكر الموصول لك و لكل مواطن ساند
يا سْديرَه
***
لا والله يا وخيتي الا يخب عليهم مجلس اتحاد حاويات القمامه
EXzombie
***
لا الفقع اللحين يطلعون عقب المطره
بس و ربك بالبف باف
الصقر اسال زوكا عنه
Mishari
***
مشاري يعني حدث العاقل بما يعقل
هل ما تكفي هذي الاجراءات
عمرك شفت حكومتك انفظت هالغبار خلال ايام معدودة
ولد الديرة
***
اي شي في مصلحة الكويت يرد الروج
و الثاني منه رجا
zoka
***
خلينا الرجوله لأمثالك
خل ربعك يسوون ربع اللي سواه المليفي بدون استجواب
ثانيا وينك يالقاطع
روح رد على المذكرة القانونية مالت المصفاة
و عساك طول عمرك مصدوم
اذا تبي الصج
ماودي المليفي يتراجع عن الاستجواب
لعدة اسباب منها
قوله الضعف في ادارة ازمات البلد
طيب هل للقرارات الاخيرة تصحيح لضعف الادارة
ثانيا اذا هالمتجنسين لايستحقون الجنسية
ليش معطيهم من الاساس
اللي قاعد يصير حرام
خالد سوري كنت نايم
بس اول وصلت الصبح فتحت بلوغك وعرفت التطوريات
كفو يا بوأنس
كفوا والله
كفيت ووفيت
رجل والرجال قليل
يا بو وليد ما اختلفنا بكلامك
ولكن انا لى الحين اؤيد ان يكمل احمد المليفي
فارس المجلس حاليا المليفي
وان شاء الله باقي النواب يتخذونه قدوة لهم
abu eldestor
*****
اخوي للأمانه هل كنت تتوقع ان الحكومة كانت بتاخذ هالاجراءات
هذا اهو مربط الفرس
لو الحكومة ما كانت حاسه ان المليفي صامل و صار في ضغط عليها و حست ان الامور بتدهور والا ما قامت بهالاجراءات بسرعه
احنا مازلنا نؤمن بضعف الحكومة
لكن كاهي قالت انا سويت و اتخذت و عطني الفرصه لأثبت من خلال القادم
اما سالفة التجنيس فا على ما اظن اني شرحتها الرجل من زمان و اهو يقول ملف التجنيس و ملف التجنيس
و انكشف ملف التجنيس
و لو قريت معاي سالفةضابط امن الدولة ورفع القيود الامنية
يعني في لعب لا و على كبير و رشاوي
و كل هالروس راح تطيح عن قريب
7amee elDyar
*****
يسعد صباحك
Mishari
*****
مشاري شنو يكمل فيه
اتمنى ان الواحد يعرف شنو اللي قاعد يصير و خصوصا انك ايدت ان قاعد يواجه ثلاث سلطات و بالرغم هذا حقق بعض الانتصار
لأجل الهوية الوطنية بالاول
ومعرفة المتسببين وهذا الاهم عندي انا كمواطن اي صج نسيت اقولك سؤال
الـ300 مليون ما زال قائم
ابو الوليد
*****
شوف اللحين حسد النواب و خصوصا اللي احترق كرتهم توهم يسالون عن ملف الجنسية
صح سؤال ال300 مليون
وعلى كلامه اليوم ان منتظر رد اللجان
واتمني ان يوقف على روسهم ويغثهم
لين ما تطلع الصجية
بووليد
المفروض مايسحب استجوابه
كلنا نعرف ياخالد ان القارارات
اللي طلعت لذر الرماد بالعيون
وعمرنا ماراح نتصلح اذا استمرينا
على هالحال
شنو يعني تسحب جناسي ناس جنستهم
صارلك سنه
هذي عليهم مو لهم
شنو هالتخبط اللي قاعد يصير
خل يصعد المنصة ويستجوب
النتيجة معروفة
ماراح يطرحون الثقة فيه
بس خلهم يعرفون
ان ما في احد فوق القانون
دخنا من هالبربسة اللي قاعدين يبربسونها
شوف تشكيل مجلس الوزرا
هذا بروحه مصيبة
انا اقول المليفي جانبه الصواب
بسحبه للاستجواب
شخصيا المليفي
خيب ظني
مادري متى نتعلم من اخطائنا
يعني لازم نضيع مره ثانية علشان
نصحى
ما اقول الا
لج الله ياكويت
العزيز بو راشد
يوبا هل المليفي قال سحبوا الجناسي
او تكلم انه راح يتطرق للجناسي
عمي هذا سؤال مطروح من زمان زمان
و بعدين يا بو راشد
مدام موضوع الجنسية مطروح
هل تؤيد الاستمرار بالخطأ ام التراجع عنه
ناس حصلت على الجنسية بطريق التحايل
شوف البلاوي اللي قاعده تطلع من رشاوي قاعده تندفع لرفع القيود الامنية
بو راشد
احد اللي مجنسينهم حريم ها حريم
لا اب كويتي و لا زوج كويتي
و لا اخ كويتي او اخت كويتية بعد
و على فكرة هالموضوع من مصادري الخاصة
و الكويت هالكبر
بو راشد تدري بعد اضيف لك معلومة يالغالي
اللجنة العليا للتجنيس
منو يرئسها بطيبعة الحال وزير الداخلية
بعد سالفة الصبيح
تدري منو اللي يرئسها حاليا
هذا موضوع ثاني
سالفة الجنسية مالها داعي بالموضوع مع اني مؤيد لها
نجي للجان
خلها تسوي عملها
مده محددة و تنتهي
الرجل ما قال سحبت الاستجواب قال اجلته و يقييم
و غير هذا يا بو راشد و انا اخوك
هل الاستجواب راح يجيب نتيجة اكثر من اللي صار اللحين
ما اظن
كان شبح الحل موجود
و كان راح يصير اسوء من السيناريو اللي متخيله احد
تعطيل الحياة النيابية
عزوف كثير من الشرفاء لخوض الانتخابات
النيابية
لأن مثل ما احنا شايفين كل اشوي حل حل حل
او تعطيله مره وحده
و هالمره
لا طبنا و لا غدى شرنا
اشلون يا بو راشد
بذمتك كم واحد كتب قبل استجواب بو انس
ان ما يبي رئيس مجلس الوزراء
تراهم قله قليله
هل استمروا
هل علق احد على باب مدونته فاليرحل ناصر المحمد
احترم رايك جدا ياخوي
واحبك واعزك
وخل العذال يموتون من القهر
خل يتعلمون شلون يصير الخلاف بالراي
محمد عبدالله وآي جون
تحياتي يالزميل
عزيز يا بو راشد و هذا العشم
و ادري عنك و عن معدنك و لا ازايد عليك و هم انت ما تزايد نختلف و لكن نتفق على الكويت
قد نختلف بالاولويات
و لكنها تصب في موقع واحد و اهي الكويت
المشكله يا بو راشد مثل ما قلت لك
ان اللحين الكل منزل موضوع ليش و ما ليش
و الاخ بو انس لما قدم الاستجواب
ما شفنا فيهم احد انتقد مو ايد المليفي
لا انتقد النواب على الاقل
و هم اقول ما شفت احد تحرك فعليا يدعو لرحيل ناصر المحمد كما يقولون
و هم فوق هذا
شعبنا مطبق نظرية
خله يبلش و حزتها يشوفنا
هذا اللي صاير يا بو راشد للأسف
بس قسما بالله يا بو راشد
ان الرجل كان مصمم للنهاية
لو التحركات الاخيرة للحكومة اللي تبي تقول انا جاده و لا تتعذر و شوف و راقب
((استجواب المليفي))
نقطة مهمة في الحياة البرلمانية الكويتية
راح تسمعون وايد راح ينذكر للحكومة وللنواب
استجواب كشف الاقنعه
اقنعة النواب عباد الكراسي
واقنعة الحكومة الي اكتشفنه انها
تعرف اخطائها عدل وتحسس عليها يوميا
علاج الحكومة للاستجواب بوجهة نظري اخطر من الاستجواب نفسه وله ابعاد على صعيد الاسرة الحاكمة وغيرها من الامور التي ستكشفها الايام القادمة والله اعلم
استجواب المليفي وبكل مافيه
نقطة مهمة يجب ان نتوقف دائما عندها.
(مفتوحاً)
بني وينك يا زتلي هالكلمة ...
العزيز اندلسي
نعم اهي وقفة كبيرة للأمانة عندما رئينا كيف انها فضحت و اسقطت اقنعه
هذه بحد ذاتها عن مية الف استجواب
و قلتها و اكررها كنت سأكتفي بهذه النقطة فالمكتوب مبين من عنوانه
هل تريدون ان نراهن على الشارع
ام الاعلام
ام السلطة التشريعية المخزية
الذبين اصبح كل واحد فيهم يلوح بالاستجواب بعد ما كان وقته
و المضحك يقولون صفقات
تقول شنهي الصفقه يقولك الجنسية
تقوله الجنسية اعطت بغير وجهه حق و ما في نواب تكلموا يردون يقولون لا احنا نتكلم عن الانسانية
قلنا العنب اللحين يقولون الناطور
بلوج عمتي
مفتوح مو لهم الاستجواب مفتوح
و ما اغلق
و يا بلوج عمتي عارف ربعك
وهل تنكر انني قلت راي هذا من قبل
احسبها يا ولد العمة و راح تعرف شنو النتائج
الان خذينا نتائج بدايتها التاكيد من الحكومة انها تعترف بالاخطاء و تطلب مده لتصحيحها
وصدقني لو ان الحكومة مو عارفه جدية الامر و تاثيره و الا لكان ما اقدمت على خطوة راح تلاقي نواب الخيبة يبون يتكلمون فيها
اقول لك يا صاحبي
لا يغرك المليفي ترا شراعه سماري و مو سائل بالبلد و لا بمصلحة البلد و كله ركض ورا مصالحه
تذكر بس شلون يفوز بالانتخابات يوم كان بمشرف
العزيز بن زيدون
ان كان على حق و انا مقتنع بقضيته موقفي واضح
و ان كان على غلط فا انت عارفني يالزميل
و لا خير برجل يستمر على خطأ
و النصيحة واجبه يالزميل
اذا في شي قوله ترى الواحد اذا يعلم شيئ و الناس تشوف شيئ ثاني و اهو يخفيه و يسكت عنه عز الله اهو الملام بالنهاية
قول يالزميل
و اكرر قول و قول و قول
و ارجع لول بوست كتبته عنه
لما قلت
ما ذكره احد الصحابة لسيدنا عمر
لو رئينا فيك اعوجاجا لقومناك بهذا
ما نملك الا الكلمة و من الخطأ ان نخفيها
انا اسانده بشكل مطلق بموقفه هذا و قضيته هذي
و ان كان على شك واحد في الميه اقولها بوجهه
و لا يعيبني التراجع عن موقفي ان كنت بخطأ
إرسال تعليق