الاحمر ينطاف في بداية إنارته
الأصفر غير معترف فييه أصلا
الأخضر حد الدوسه اول ما يولع
ليش فعلا ليش
ليش قبل ما تشب الاشارة لونها الاخضر
تلاقي اللي وارك يبيك تطوف وطاق هرن
ليش لما يشب اللون الاصفر وانت مخفف تلاقي اللي وراك مسرع حده
وبعدين يطالعك ماد بوزه او انه يضرب العالي بالنور لما يشوفك مخفف
ليش لما يشب بداية النور الاحمر تلاقي الكم واحد طايفها وخصوصا
اذا كنت انت باللي الجهة المقابلة
ليش ليش فوق الخط المخصص لعبور المشاة كم بوز سيارة واقف عليها
لا و أحمد ولد عمي يقولي روح تمشى بالسيارة و أطلع شوف الدنيا
صج كوكو كوكو طرايلا لم لم طلاليلم
هناك 24 تعليقًا:
حاكو عقالي
كلامك عدل
بس مشكلة تدري شنو لما تكون الاشارة عندها كاميرا
شوف احد فيه خير يسوي هل حركات
تلقاهم ماشين على الصراط المستقيم
واللى فوق مادري شيبون
لازم نعلم عليهم عواد
كود يسوي لهم شئ
على فكره الاغنية روعه
Thanks
اي والله صاج
مايمدي تشب الاشاره خضرا إلا وفوج من الهرنات تقولك اطلع
ياربي مايمدي ادوس بريك شهالمطفق
هلا عزيزي كويتي
اي والله تشوفهم كلهم أحسن من العسكري اللي جدام قصر بينكهام
أما اللي فوق
لا يا خوي عواد تخصص مؤخرات
مطربات
مانله خلق يدش علينا النت باكر يطالب ببتر ايادي اصحاب المدونات
ترى يسويها
واما الاغنية فا تعليقاتك هي الاروع
Q8Lioness
لا اللي يقهر بعد مو جذي اللي بعد ما يطوفك يطالعك بنص عين ويقعد يخفف جدامك
خخخخخخخخخخخخخ
زين انت مو مستعجل
عجيبة
نون شفتي اشلون لا بعد مو بيين انهم كذابين يمدحون بالبلوج
اللي يقول ان لغتهم الام اهي العربية ومن بعدين الانجليزية
عاد انا الوحيد اللي مو حاط موضوع انجليزي
***************
نون والله متمرده اثاريك
يعني لو ما ستر الله لكان من اليوم حد الدعسه قبل ما تصير الاشاره حمرا
ههههههههههه
العمر مش بعزقه وانا اخوك
تذكرت سواقنا اللي عند البرتقاليه يوقف من زود الادب وحب القانون
واذا صارت خضرا هدا ينتظرها تصير برتقاليه وكأنه يدعي يارب خليها تصير برتقاليه عشان اوقف واقهرها
يحس بالنشوه اذا وقف والناس تضرب بواري وراه
يتشقق من الوناسه
انا ما اهتم بسواقه المراه للسياره مع هالسواق احبها واعشقها كود مره اشوفه يمشي بالطريق وادعسه
:P
لااااا ... مشكلة الاشارات عندنا ... يامعود احنا اهون من غيرنا... روح السعودية و شوف هناك شلون يتعاملون مع الاشارات.... العالم هناك يدقون لك هرنات قبل لا تشب الاشارة ... شلون حافضينها ما تدري....ز
السلام عليكم ورحمة الله وبركاته
فعلا يا اخي انتركويت هذا الواقع والحاصل في ديرتنا وكم من ارواح ذهبوا والسبب عدم احترام قوانين المرور
كل هذا بسبب انه لا يوجد هيبه للقانون على قولة مي الفرج(خائنة الجنسية) الكل يلعب فيها
اخي العزيز اقولها لك بالكويتي
الانسان العربي بشكل عام ما ينفع معاه الا الطراقات والتصفق وما ايوون الا بالعين الحمرا
تحياااااااااتي
أمس إلي يمي بالإشارة مشا جان أمشي
ولا تطلع الإشارة حمرة :\
^
^
^
كلش ترا ما سويتها (><)
أذكر مرة كنت صافطة جان اللي يمي حرك سيارته شوي جدام
عند الجسر اللي يوديك الوفرة أو ميناء شعيبة
جان اشخطها انا ما صدقت على الله
لووووووووووووووووووول
شكووووووو مادري
أعوذ بالله العالم مستعجله مدرى على شنو
طاط طوط طيط
وانا كنت سخيف مثلهم بس الحمدالله الله هدانى
(:
أتذكر برنامج يسؤلون المشاهدين على الاشياء السيئه بالكويت
واحد امريكى مدرى اوربى
قال
القياده سيئه
(:
مطافيق شنسوي فيهم
موتعرف الشعب كله عنده اسهم وشركات بلحق عليها مايقدر يظيع وقته على اشاره بلعنه خل يدعموني عندي واسطه
وكوكو كوكو
اتوقع اني الانسانه الوحيده اذا مريت صوب الاشاره الخضرا اخفف او اضغط بريك تحسبا من مطفوق او مطيور اخر يطلع من الاشاره الحمرا
نورا
يوبا ليش تذحبينه
خلاص سفروه
وكفى المؤمنيين شر القتال
الغالي كويت شباب
تدري عاد اني صج احاتي لما اسوق بره يا معود تبي تضحك لما سقت بتايلند
تعال شوف البلاوي
سواءا كان بالسيارة او بالسيكل
صج بس كان باقي يحطوني بالتلفزون عندهم ان واحد عربي مسوي لهم بلبله
الغالي دبلوماسي الكويت
تدري عاد العيب فينا صج
وهم العيب بشرطتنا يخلونك فعلا كأنك ودك تعاندهم
والا في موضوع ثاني بنزله
لما تلاقي موظفين الداخلية الاجانب واكرر الاجانب لما يسوقون سيارات الداخلية وعليها الفلشر الازرق
شكو شكــــــــــــــكو
تعال شوفه بالطريق
والله يطالعني يبني اوخر له واهو دايس
كان اطالعه بنص عين واهو ياشر بأيده وخر وخر
ههههههههههههه
تحس ان عفوا ضراط
ليش ما يشغل الفلشر
لأنه عارف يتعلق من ريوله
مثل ما قلت
طراقات وفناقر وخيازرين منقعه
Ra-1
ههههههههههه عاد لهدرجه
تذكرني بايم قبل ما اطلع الليسن
ويا رفيجي اقوله تبي كل اللي بالاشارة ينزلون يطقونك
يقولي اشلون اقوله انطر
اخليهم متجمعين عند الاشارة وزحمة وتلاقيها طولت
اقوم اطق هرن تلاقي اللي جدامي بسرعه يدوس وبعدين يكع بريك واللي وراه نفس الشي
ههههههههههههههههه
ويقعدون يخزووون رفيجي
وانا بعد اخزه
فيلجا
واللي يرحم والديك
قبل ما تطلعين من بيتكم
نزلي اعلان بالبلوج انك راح تسوقين بشوارع الكويت وباي منطقه
علشان ننثبر ببيوتنا ونخاف على صحتنا وحياتنا
هههههههه قلم جاف
شوف الخبث اللي فيني
تقصد اي قيادة
القيادة السياسية
والا قيادة المركبات
اشلون اللي يبي يوهقك غصب
تحياتي
اي والله يا كويت لوفر شفت اشلون
كلهم مهمين وكلهم وقتهم من ذهب
صج
كوكو كوكو طرايلا لم لم طلاليلم
Q8Lioness
اي ديري بالك خو اشكثرهم هذول
لا واذا طقيتي له هرن تعبير عن استيائك
زين ما يصفط سيارته هالمستعجل ويتفرغ لنجرتك
إرسال تعليق