وبما ان سيارتي عزيزة وما ارد لها طلب دخلت محطة البنزين والا الزحمة اشكثرها
قلت اوكي كل شي يهون لعيونها
كان جدامي اربع سيارات
وبقت سيارة قدامي وما بقالها شي وتمشي وكان يعبي بنزين بالخانة الثانية يعني الاولى اللي جدامه فضت وحركت
نطرته لما يحرك علشان
اللي وراي بعد
الا والا واحد مسوي نفسه طرزان ويطمر اللي وراي بعد ويروح حق اول خانه اللي انا منلطع ناطر علشان ما أربك
الحركه او اسد على الثاني بكل بروود ولا على باله
بينبي وبينكم حمقت
لهدرجة مستهزئ بخلق الله
وعالطول واهو قاعد يرد بسيارته علشان يوقف جدام الخانه كان اصفط فيها وقلت له يالله رد ورا
نسيت اقولكم ان كان نازل من السيارة وطاير علي بس ما ادري اشفيه خق مع انه متعافي
قعد يقولي اسف بس انا وياي اهلي وانت بروحك
وماكان قصدي
قلت اهلك هندية
احترم الناس اللي ناطره بالدور متى تتعلمون
وانت بعد شكلك انسان ملتزم ولحيتك اشطولها عيب عليك
لازم اتعرف ان الناس ينظرون لك كمثال
رجع الاخ الظريف
بس هم مازال السؤال داير براسي
الاخ كان طاير علي ووده يتشابك ( حلوه يتشابك )معاي بس خقمره وحده هل اهو واعز من ضميرة ان غلط
بالاخير طلع لا واعز ولا بطيخ
مجرد قطعة بلاستيكه طولها 8 في 5 اهي اللي خلته يخق
القطعه البلاستيكية لونها احمر واهي هوية أنصرفت لنا ايام الحرب تخلينا نوصل اي مكان مغلق او تفتيش او او
كانت معلقة ضمن هوية العمل
مع باقي الهويات
واللي نستخدمها للطوارئ حتى لما بعد الحرب
إتفوخص على كده رجاله ورق تخاف ما تختشيش
هناك 9 تعليقات:
السلام عليكم
لا سالفة و الله هاذي ...الا تقول مركب وياه خدامة و يقول الاهل؟
بس ما عرفنا اشمالته اللي حاطهه هاذي؟
انا قعدت ساعه اقرا الجزء الاخير
سالفه البطاقه
اكيد بتخوفه وش تبيه يسوي
يجي يتطاق معك ويدخل السجن
:P
هو حسبك شخصيه هامه والا شي
بعدين لا تقولي عن الطابور والدور كل الدول الخليجيه كذا
ما عندنا احترام للطابور والله تشوفهم ببعض الاماكن همج
مافيه اي ترتيب وكلن يبي يخلص اول
المشكله انه اذا سافرت برا شفتهم مرتبين ويوقفون طابور لا وبعد يوخرون لغيرهم ويحلفون على اللي وراهم يجون قدامهم من الادب والذوق
:)
ليش ما يطبقون هالشي بديرتنا والا بس مظاهر قدام العالم
ذكرتني ببطافه عدم التعرض اللي بالسعوديه
هذي الله يسلمك لعيال الاسره واللي حوالينها
محد يتعرض لهم ولا بكلمه حتى الشرطه
وتصير موقعه
حاله
:)
هلا اخوي كويت شباب
انا ماحرني يوم يقولي انت ما وساك احد ما ادري يعني حتى لو وياه اهله شنو حاطهم بوانيت ومركبهم ورى لا قاعدين معززين مكرمين داخل سيارة مكيفة
بس الاخ متدوده ما يدري وين الله قاطه
البطاقة طال عمرك اهي أصدرت ايام حرب أسقاط الكاولي ولد صبحه
تدري نقاط تفتيش وايد
وفي أماكن ممنوع الوصول لها ويكون في تفاتيش فاهذي كانت تسهل لنا المرور وسرعة الوصول الى أماكن عملنا او المناطق المحظورة الخاصة باوقات الطوارئ فقط
هلا اختي بحرينية
اهي ماهي جرأه لموقف لا هذا حق واحترام
وصج شي يحز بالنفس ان المفروض يستحي على التصرف اللي سواه مو خوف من اي شي ثاني
هههههههه هلا نورا
لا يوبا حتى لو يتطاقق معاي مالها شغل البطاقة ولا يسجنونه علشانها
اهو خاف من ان اللي يحملها رجل يمثل القانون يعني بالداخلية مباحث او الى اخره
وعلى فكره اختي بالكويت حتى لو كان المباحث معلق هويته وتعدى على شخص بخلاف القانون ما يمنع انه ينطق بيني وبينك
يعني سالفة إستغلال سلطة الوظيفة بالكويت هذي مفروغ منها
والفاصل فيها القانون
ومرات عدم التعرض لأي عسكري كمثال يكون ان ملابسه تحمل شعار الدولة فقط لا غير
والا الامثله كثيرة
نورا على طاري سالفة الشخصية الهامة بالكويت عندنا لو تمشين بالسيارة تضيعين بين اي مسئول واي فرد عادي
واذكر الشيخ صباح مره قعد يقول لما كان يقابل المواطنين برمضان
يقول العسكري اللي على بوابة الوزارة سيارته نفس سيارتي
وكان يقصد اهني اللي ياخذون اقساط لسيارت ثمينة حيل وتكون اقساطها عالية جدا عليه
يعني عادي تمشين بالشارع او احد الاعراس ما تعرفين مثال منو المعرس من كثر البشوت
ما سمعتي عن
من كشخته الناس حبته
في ناس ما تستحي
ومشكلة في ناس تعطيها مجال تتمادى
اقول شرايك تعطيني الحمرا
عندي هوايه جمع الهويات
:P
هلا والله كويتي
عندي وحده اقوى من الحمرا عندي مالت مجلس التعاون اللي صار بالكويت
وما سلمتها
باين هواية مشتركه
معلش
بس ما سويت هالشي ان كان يرضي فضولك
ومع احترامي لطرحك
ولكن لا إحترام
للقب اللي تضعه مرادف لأسمك
واللي يخلي
مصداقية الحوار مفقوده
عندما يلقب بني أدم المعزز والمكرم
بلقب يخلو من الاحترام
فا كيف يكون الحوار له إحترام ومصداقية
ولقبك وقح وقليل الحياء
والحياء سواء من الايمان او الاخلاق فاهو واجب
وهذا مالا تتصف به
ولا يشرفني ان يكون لمدونتي الخاصه بيوالتي يتواجد بها أناس أحترمهم ويحترموني
من يحمل لقب كهذا
إرسال تعليق