أزا بتريدو

من بعد ما شفنا المزيون سعدون و اهو كل اشوي يروح حق العضوة رولا و كأنه يغني بوس الواوا
وانا داري لاطبنا و لا غدى شرنا
الاثنين من معسكر الحكومة و تهاوشوا مع بعض
اللي همني صراحة اهو اتهام العضوة رولا للمدونات و سالفة الاسماء المستعارة و هالروايات

اللي تقصد منها ان المدونات هي اللي طلعت اشاعة ان الدكتورة مستلمه شيك
يمكن بدون مبالغة اقول اني متابع فوق الجيد لأي مدونة حتى اللي ضد توجهي او راي لكن اقرى حق الكل
ما شفت اي مدونة اذكرت بموضوع ان الدكتورة مستلمه شيك و لكي اكون واضح مدونة على الاقل يكون عليها حركه او منتشرة

و اخرتها دموع في قاعة عبدالله السالم شكو شكو لا صج شكو
يا دكتورة انتي شخصية عامه اللحين يعني النقد مو من زملائك بالمجلس لا من الجرايد و المحطات و الكتاب الى اخره والقائمة تطول خلاص قعدي في البيت، اللي استغربه فعلا ان في فئة بالمجتمع تطالب بسقف عالي من الحرية وتاخذ امريكا كمثال و لما احد يتعرض لهم يزعلون

و اخيرا لغة الحوار اللي كان دائما كتاب الحكومة بعدم التعاون احد اسبابه تدني لغة الحوار
ما عمري سمعت عضو مجلس امه قال
يلقحها ثور او ما ارد عليك و لا على ابوك

و ان المريض اللي الله ابتلاه بمرض يشكل عبئ يا دكتور اصلا نفسيا هالكلمة واقعها على اي مريض اكبر من المرض اللي يعيشه

و اخرتها سد بوزك

على ما اظن الدور على المجلس اللحين اهو اللي يرفع عدم تعاون مع الحكومة لتدني لغة الحوار ومالولم المجلس ولا الحكومة الوم الرئيس اللي مو قادر يضبط الجلسه

الشباب اللي احضروا امس الاعتصام و اللي قاموا عليه يمكن وجودهم اكبر رسالة لكل من قال عن التدوين يختبؤن خلف اسماء مستعارة
كاهم و بالوجه و علانية