I Have Been Tagged

اممممممم كالعاده ومالي اخلق اكتب بالانجليزي

نون النساء ابلشتنا

Seven things I plan to do:

1- أخلص امور زواجي عن قريب من بنيان وصبغ واثاث و عرس وشهر العسل باي ديرة


2- أقطع التدخين


3- أخلص شرح وتدريب الموظفين اللي معاي

على البرنامج اللي مكلف فيه ( مسبب لي ارق هالموضوع) خصوصا

اذا في ناس بس شغلتها ما تبي تفهم او مصعبة الامور


4- أسوي السايت مالي اللي صار له اكثر من اربع سنيين بس ارفع عليه ملفاتي


5- ما ظنتي يكون فيه وقت حق اي شي


6- نفس الشي اللي فوق


7- سهود مهود




Seven things I can do:

1- الغرام الأولي الفوتوشوب عادي اكشت بالدوام ويطير علي الوقت وانسى الديوانية اذا مجابله


2- التصوير


3- الرسم اللي من زمان عنه


4- العلاقات العامة


5- دراسة مشروع


6- الحوارات


7- عادي جدا اني الطش اللي مالي خلقة واجر عليه مده مفتوحه




Seven things I can't do:

1- أني أمسك أعصابي على اي غلط يحدث بوقته وما انفعل


2- أنى اناقش واحد غبي


3- أروح الشويخ أصلح السيارة


4- أتمشى بالسيارة لمجرد التمشي بالاوقات اللي فيها البشر قاعده


5- أقز بالمجمعات والاسواق ( الله يعينها أم العيال ) بتاخذ واحد حنان يقولها يالله خلصي بسرعه


6- أني أخفف من أدماني على القهوة والشاي


7- أني ما اتحلطم بعد




Seven things I say most often:

1- حبيب قلبي


2- حاكي عقالي


3- يسلمواعزيزي


4- والله تصير من اعز أصدقائي لمدة ثلاث ايام


5- أشلونك انت - بسخرية


6- يخربيت الغباء


7- أبد على حطة يديك


Seven people I want to pass this tag to:


1-الشيخ صباح خصوصا بالنقطة الاولى والنقطة الاخيرة



2- شرقـــاوي



3- بو طارق Kuwait ok


4- حامي الديار


5- Q8LoVeR


6- كويتي


7- الى كل الزملاء بالمدونات