29‏/12‏/2009

قولوا خقاعق

بداية اعتذر منكم اخواني عن القطيعة و ان شاء الله يقطعون ارسال قناة سكوت ابرك و السبب جونا الحلو اللي اربع فصول بيوم واحد حر برد رطوبة بس ما في غبار و طبعا الجو السياسي مو بعيد عن جو المناخ اللي حتى العجيري الله يطول بعمره يعجز عن تحديده و لا يقدر يقول رايه فيه
الا عالطاري الرأي وحريته


صج صج شنو الراي اللي قدمه الجويهل علشان نقول انه راي انا خبري حتى لما تقول رايك يا أما نقد و مرات يكون نقد لاذع او جارح بس مو سب و تعال فصخ جوتي عزكم الله



و بو عبدالمحسن قال كلمة و ابلشوه كنت اتمنى اسمع كلامه قبل خصوصا ان صدره وسيع لتقبل الراي و النقد و تتذكرون مسلسل صوتك وصل لما قال جابوني صح او قلدوني صح



و وزير الاعلام محيرني يا جماعة بالبوستات اللي طافت قبل سالفة الجويهل و الناس تتكلم و تقول وقلت معاليك مشتهي المنصة و الا شنو باخر بوست لما صدمنا و قال المدونات اخطر أخطر فتحوا عيونكم أخطر مو تدرون المدونات الكويت كلها تقراها و عدد قرائها ينافس قراء جرايد الكويت كلها و عدد القنوات الفضائية وبرنامج دكتور فوز فوزية الدريع و الراديو و مايك مبلتع لا لا صج خطيرين المدونات، و اهم شي المراقبة اللي افهمه ان المراقبة جدا عادية و الا كانت المدونات تصير برايفيت خاصة و ما تدخل الا قراء معينين فقط انزين شنو سالفة المراقبة ببساطه اهي مو مراقبة اهي ترصد و تجسس لأن جوجل اغسل ايدك تعطي بيانات حق احد فشنو الحل علشان يعرفون صاحب المدونة اذا مو شاهر اسمه عدة طرق و كلها غير شرعية او دستورية
مراقبة عامه من خلال شركات الانترنت للعناوين النشطه يعني تجسسس
ارسال ايميل الى صاحب المدونة و عندما يرد ينعرف الايبي و يبحثون عنه يعني هم بطريقة غير قانونية
اذا مالهم حل الا حجب المدونات وهذا المسلك القانوني الوحيد انزين لنفترض مثلا مثلا واحد حب يلعوزهم ويعور راسهم اشوي يشغل برنامج بروكسي سويتشر
Proxy Switcher
و يشبك من موزمبيق و الثاني من طجكستان و الثالث من لعوز ستان وتاليتها ما فيش فايده فعلا فعلا منصدم ان المدونات اخطر على قولة معاليه
نقطة اخيرة المدونات مواقع مجانية يعني عادي كل ثانية مدونة جديده و عالطاري المدونات الجديده




و تعالوا لحقوا عاد، اغلب المدونات بنسبة 99% بدون مبالغة ملتزمة دستوريا وهذا اللي اعرفه عن المدونات النشطة المدونات مو ملائكه و لكن مو بهالخطورة اللي تهدد الوحدة الوطنية

تتذكرون هلأغنية
هايدوووو
our camel lovely camel
إرسال تعليق