16‏/12‏/2009

و حياة طنط ده اللي حا يحصل

تحديث -- سواها صالح الملا و امتنع

اننا ننسى أخطاءنا بسرعة ، لأن احداً لايذكرنا بها

من اول يوم تم فيه تسريب رغبة الحكومة بان تكون الجلسة سرية و السالفة واضحة وما يبيلها اي تحليل حتى عامل النظافة البنغالي اللي ما ينظف الا عند الاشارة و الناس رايحة الدوامات يقدر يتنبئ لك و يقولك شنو اللي راح يصير مقابل انك ترد عليه السلام و هو يخز فيك وتعطيه ربع دينار علشان يروح يخز سيارة ثانية و ينظف حدرها
انزين او اذا ( علشان فؤاد الهاشم ما يزعل يقول ما يعرفون يكتبون الا بالعامية و اسلوب ركيك و كأن المدونات مو مواقع شخصية) الهجمة الشرسة على التدوين شسالفتها لما نلاقي اكثر من قناة اعلامية و اكثر من جريدة و اكثر من كاتب عامود يتكلم عن المدونات و يهاجمها شسالفة بأختصار اتعوروا و صوتهم ما وصل لما نلاقي شيعي يتفق مع السني و العكس كذلك و الليبرالي مع الحدسي و العكس كذلك لما نلاقي كل هؤلاء بمكان واحد نقول هذا اللي ما قدر عليه الاعلام المرئي او المسموع احنا كمدونين الخلاف يوصل بينا للسما و لكن توحدنا اغلبنا المواقف الخاصة بالكويت و لا داعي ان اعددها ،اليوم و باكر و عقبه هذي حكومتنا و هذا مجلسنا و هؤلاء اعضائنا شئنا ام ابينا الا ان يكتب الله فرجا و يفرجها علينا و يفارجون سواءا بحل او بانتهاء المدة الدستورية اليوم بالذات و تحديدا الموقف من طرح الثقة و عدم التعاون مقياس كبير لنوعية العضو اعلم جيدا ان اغلبهم استخدم كلمة في شي ما ينقال و ارد عليهم كاهم حملة ارحل بالامانة في احد يتوقع ان تنقال هالكلمة انقالت اتفقنا اختلفنا معها على اولوياتها على طريقتها انقالت
ان ما ينقصنا يا سادة اهو الشفافية، و للأعضائنا اللي يتزعمون و يعلقون على صدورهم كلمة التيار الوطني عندي لكم خوش حل يرفع الحرج عنكم اهو مو جديد لكن انتم استخدمتوه من قبل في موضوع عدم التعاون امتنع، اما في موضوع طرح الثقه بوزير الداخلية ما في اي ترقيع ابدا خصوصا انكم كلكم طالبتم بأن يقص الوزير الحق من نفسه

صدق بو صادق النائب القلاف هالمرة لما قال عبدالرحمن العنجري لن يصوت ضد طرح الثقة هالكلام قبل خمس ايام و على قناة الوطن و حدده بالاسم وبما اننا طرينا بومشاري خلنا نعرج على صالح و اسيل و تصريحاتهم مال داعي احط الروابط بتاتاً لكن انا قلتها لخالد الفضاله يا خال يا بو ثنتين انتم دعمتم هالاعضاء و هالاعضاء اصبحوا لا يمثلونكم باهم القضايا مطروحة على الساحة و التي تبنيتموها فا يا خال يا بو ثنتين هالمواقف ما تقبل القسمة يالتحالف مواقفكم الاخيرة و خصوصا الشباب شفتم بعينكم كم لقت من تأييد بل على العكس من كان يختلف معكم يقف بصفكم و يدافع عنكم اليوم بعد عدم التعاون و طرح الثقة مقياس لقيادة تيار التحالف و عقبها بتنقال و بصوت علني
هذا فراق بيني و بينكم و يا كثرهم انتم اللي تمتلكون قواعد بالشارع كثيرة بسيطة لا باس فيها المهم انكم تمتلكونها و لازم يكون راي واضح و صريح ممن يخالف توجهات هذا التيار المنتمي اليه و عدم دعمكم لأي من يخالف توجهات التيار مو غلط و انتقل الى المنبر اعلنوها رسمياً و بالفم المليان وانتم ما عليكم خوف شنو بتخسرون ما بقى شي
الى كل التيارات الموجوده بالساحة صدقا وبالله و اقسم انكم سترون العجب العجاب الكويت اليوم تظهر فيها مجاميع و تيارات بالهبل و لكنها على قولة غلام الهندي اللي بدرب الزلق مو بالكلام فكونوا على ثقة و يقيين ان هناك من طبق الكلام و تحرك و ارقامكم ستكون خير دليل و ستظهر تيارات و قوى سياسية تخليكم تقعدون على دكة الاحتياط
اي صج سالفة التصويت السري اكبر تخاذل و ما راح ترفع عنكم الحرج



استغربت من كمية اليوزرات اللي قاعده تسجل بالفترة الاخيرة لا و كلهم جدد وما تلاقيلهم موضوع او بروفايل تلاقيهم ماسكين كلمة و يرددونها اهني و هناك تقوله مال عام يقولك احمد الفهد تقوله احمد الفهد يقولك حدس حاور زاور دس موضوع بموضوع اخر للخروج عن الموضوع المطروح و طبعا الاسماء خذ و خل بس كم مدون شنب صح اقعدوا لهم قعده و عوروهم حسب راي اتركوهم تراهم متعورين حيل حيل خصوصا بحقيقة انفسهم المكشوفه امام الكل حالياً وانهم ما اقدروا يحققوا المطلوب

علي الراشد و الدستور



نعم الدستور يعدل لمزيد من الحريات مو لمزيد من التزهلق اقتراحك اللي قامة قائمة الاعلام كله ضده و اشمل المدونات ايضا بسبب ان الوضع اولا غير مناسب و حكومة لم نرى لها انجازات و تحط البند الرابع مال تصويت الحكومة يعني يا بو فيصل اشلون صايره بعد أزهلوها انا اضبطكم

نهاية البوست الطويل

الكويت نجابه و ليست عقيمة و لن تكون هناك قناعة منتشره بنظرية أفضل الاسوء
و المواقف لن تنمحي بأستيكة


فعلا فعلا بدئت أحسد الغبي على نعمة الغباء

/*-*-*-*\
مدونة إنسانه شكلها أحمد مطر بس انثي و جنسية كويتية
لا تنادي
/*-*-*-*\

هناك 34 تعليقًا:

ARTFUL يقول...

صح كلامك

انا الانتخابات الياياه سالفة احسن الاسوء مرفوضه

وكل شخص خل يتحمل غلطاته

يعطيك الف عافيه يا بو وليد

جبريت يقول...

اليوم مقصلتهم الي تسقطهم جميعا وتغير ارقامهم الى الاسوء وغدا قطع الر قاب يا بو وليد

اما فؤاد الهاشم فما على الخ...حرج

Blog 3amty يقول...

الفنان عادل الماص الذي لم ينصفه الوسط الفني ولم يشع نجمه بعد وقد قارب على الخمسين خريفاً يقول :

خلااااااااص خلاص .. خلاص ما يفيد الكلام الطعن في الميت حرام !!


خلاص يا بوليد شرب مروووقها والوعد بالصندوق !

الراية يقول...

حصل وطحينه

ايه يابووليد الشق عود وكل ماله يكبر
وقلتها قبل واقولها الحين يانواب التخاذل موعدنا بعد اربع سنين بحيل واحد اتحد ونشوف وقتها كم مصلحجي فيكم بيمشي

ومومقهور الا من صالح والله يابووليد وين اللي كنا نقول عنه انسان مايخالف ضميره اليوم اهو اول واحد دفن راسه في الرمل

بالاخير اتمنى من الجرايد وغيرها عدم ادعاء الشرف والمثاليه في تحقيقاتها وغيره لانه الفساد ياي من الحكومة نفسها فما بالك في الموظف العادي

خالف تعرف يقول...

مما يدعوا للمضحك ان ترى مواقف نواب التيارات تأتي مخالفه لتياراتهم، والمشكله ان تياراتهم لا تحرك ساكنا ضد هذه التناقضات ، والمضحك اكثر ان هذه التيارات هي من دعاه الاحزاب وهم لايستطيعون السيطره على كم نائب‏!‏‏!‏

ZooZ "3grbgr" يقول...

راح فيها الغبي

لأني حتى انا احسده

:/

well_serviceman يقول...

اكيد بوثنتين بووليد ، تناااااقض محنه عارفين من وين ياي حق التيار "الوتني" اللي مادري شلون قايل!

ZooZ "3grbgr" يقول...

ويل

الحين انا طوفت اللي قاله بووليد بالبوست

تقوم انت بعد ترد نفس الكلمه

ليش يعني ما تحترمون البنات اللي ما يروحون ديوانيه

تراني عصبت

وما راح ارضى الا اذا

علمت ما هو تفسير الاحتمالية أن يكون خال علما بأني أعرف الخال بالجنجفه وما هو تفسير الاحتمالية أن يكون بو ثنتين وهل هن ميمتين؟

وبعدين ليش مو قاعد تدرس
!!

بو وليد سامحني

ابوي ما يقدر الا على امي

:p~~

Blog 3amty يقول...

الموضوع "غير صالح" للإمتناع !!


ذمم مالية وجيكات يا أبيض يا أسود هم هذي بعد بتنظر فيها يا بومحمد !!

kuwaiti_cool يقول...

مساء الورد للورد
العزيز بو وليد
ملاحظتك ابمحلها اغلب من هاجم المدونون هم كتاب الزوايا ذات الدفع المسبق
والذين يتباهون بعطايا الحكومه
فهذا دليل على انهم موقادرين يصيطرون على الوضع


اما بخصوص التحالف والمنبر
فأنا مستغرب فعلى مر سنوات نرى نوابهم يبرون منهم بمواقف معينه
والتحالف ومنتسبيه نراهم بساحه الإراده يطالبون بشيء على عكس نوابهم

والمصيبه انه وقت الإنتخابات يدعمونهم
هل نحن شعب غبي لهدرجه؟؟
ام نحن عاطفيين اكثر من الازم بحيث
اي موقف ينسينا بسيط ولو حتى تصريح
ننسى كل الخوازيق اللي طافت

ولك مني ارق تحيه

مـغـاتيــــــــــــر يقول...

إي والله ازهلوها أنا أضبطكم

طاق الصدر

صراحة الراشد ماخذه عليه مواقف سخيفة سابقة علشان جذي سعيدة بحالة التردي اللي يمر فيها ،،، تعتبر شماتة هذي ؟
;p

حنطفيس يقول...

هلا بووليد

عندي نقطه وحده اعتقد نتفق عليها انا معاك

علي الراشد عندما اختلف مع مواقف التحالف وتخالفو قناعاتهم قدم استقالته ثاني يوم وهذي نقطه تحسبله

اتمنى من اسيل والعنجري ان يقوموا بنفس الخطوه ان كانت موقفهم تخالف قناعة التحالف

والا انت شرايك ؟

حنطفيس يقول...

مغاتير

لاتفرحين وايد ياوخيتي

علي الراشد مواقفه منسجمه مع توجه دائرته
والدليل جميع نواب الدائرة ماعدا الحربش هي نفس مواقف الراشد
ومواقفه الاخيره تزيد شعبيته بالثانيه والدليل ردود الافعال اللي آنا شخصيا رصدتها في الدائره الثانيه

الراية يقول...

ماستغربت بصراحه يابوويد يوم شفت اسماء اللي معارضين الجلسه السرية

ولكن لفت نظري اسيل اللي قاعده تلعب على الحبلين اللي لسان حالها يقول عقلي وياكم ولكن قلبي مع سمو الرئيس

والله عيب انا ماني متشمت في التحالف لانه مواقفهم الاخيره مشرفه ولكن في اعتب على شباب التحالف اللي انغروا فيها وفي غيرها وحشدوا الصوفو علشانهم

وصدقني مازال الكل يقول ارحل

الراية يقول...

حنطفيس

اسيل والعنجري بدون دعم التحالف وشبابه مايسوون بيزه

تبيهم يستقيلون منه على الراشد يوم ضمن نفسه في دائرته خذه نفسه وطلع منهم

اما هذول يدد فا ماتوقع يسوونها معنهم راح ياكلونها على راسهم واللي يابته اسيل هذي الانتخابات لو تموت ماتبيه مره ثانيه

واتوقع بعد خيبات الامل راح يتسكر موضوع النساء في الدائرة الثالثه بالذات مع تواجدهم في الاولى فقط ودعم طائفي فقط

جرفاس يقول...

اييييه بانت فيلجا يابو وليد..
وبو صلوح مادري شسالته..مو ادر يحسمها برأيه ؟!؟

أهل شرق يقول...

يالله ترزقنا بالعيال مثل ناصر المحمد

ما شاء الله 36 ياهل بسنة وحدة

الله يزيدك ويباركلك سمو الرئيس

Unknown يقول...

اي والله اخوي صدقت اسيل على شنو مصوتينلج اذا كل كلمه والثانيه تقول انا مو نازله باسم التحالف

وبعدين اخوي قلتها واقولها لازم يكون في احزاب وانصوت حق حزب برنامجه واضح مو مرشح ايي يوم الانتخابات يعجبنا كلامه ولما انيي انشوف افعاله ننصدم طقت اسيل ورولا وبوصلوح

اخوي مع كل الفضايح اللي صارت والتخاذل من نوابنا بس صدقني اللي صار وحد السني والشيعي واليبرالي والحدسي والبدوي والحضري وانشالله يكون مستقبل ديرتنا احلى

حنطفيس يقول...

عزيزي الرايه

علي الراشد كان نائب بدورتين وبالمركز الاول بعد , قبل انشاء شي اسمه تحالف وطني

الأستاذ مزيكا يقول...

أبي اصير شاعر!
اشلون؟

وياماحنشوف

ebtsamh يقول...

آه صج مقاله فؤاد ترفع الضغط

مع اني ما كنت المعنيه

لانه واضح يقصد مدونين بعينهم

وذكر جم اسم ع سبيل الطرفه واستهزأ

بل رفع ضغطي الله لا يوفجه

تسلم حاكي ع هالادراج كفيت ووفيت

le Koweit يقول...

فؤاد الهاشم شخص تافه اصغر من اننا نرد عليه يابو وليد :)

اما سالفة التحالف الوطني الصراحة
يابخت الشماتة فيهم بعد ما تخلوا عنهم اعضاؤهم !!

وانشالله من المجلس القادم
ما راح نشوف افضل الأسوأ
بإذن الله :)

<<<عندي أمل

الدســتور يقول...

عبدالرحمن العنجري سلم عليه

نمووول يقول...

الكويت مو عقيمة
زين اعتقدنا انهم افضل الافضل
طلعوا اسوء الافضل ..

انا بصوت لاسوء الاسوء
ويمكن تصيب معاي ..

شكراً

جبريت يقول...

الي معورهم يا بو وليد ما عوروهم الا وراهم اشناب مثلك وشرواك

وما على المجنون حرج ياخوي اذا شفته يطق راسه بالطوفه

Multi Vitaminz يقول...

تحية طيبة يالغالي وبعد ..!

أولا علي الراشد ضيع البوصلة ويا صاحبه السيد القلاف ..
ثانياً الكتاب الأفاضل الفضل والهاشم ماعجبهم تصرفات المدونين وفقدوا عقلهم منهم وقاموا يسبون ويلعنون فيهم أضاهر النتيجة طيبة للمدونين والإهتمام الإعلامي لهم صوتكم وصل ...
ثالثاً السيد القلاف بالسابق زعل وأستقال من إستجوابه للعيار وغضبه لمن أهالي الجهراء قاموا بمسيرة للعيار من المجلس إلى الجهراء إحتفاء بالإنتصار , فشالها القلاف بقلبه وحقد على البدو وهو أمر واضح ولا يحتاج للتأويل أو تفسير لحقده طول هذه السنوات فقام بمسيرة الإنتصار لرئيس مجلس الوزراء وحقق إنتقامه .. طبعاً حلال عليه المسير وحرام على الغير ..

القلاف بالأمس يذم الوطن والآن هي خير صحيفة مادري أعضاء ال30 عاقل هم فعلاً عقلاء أم ماذا ..؟

تحياتي

بو محمد يقول...

مساك الله بالخير و الكرامة

كلمة بسيطة

سابقا، كان من يطلق على نفسه كاتبا يختال بين الناس تدحرجا لأنه يسمع رأيه من فم هذا و ذاك، و لكن الحاصل حاليا أن الآراء التي يدلي بها المدونون تحمل منطقا متجردا من أي تأثير أو هوى غير تأثير إيمان و هوى المدون و بالتالي سحب ذالك البساط من "الحبيب" و اشكاله في السرعة القصوى لنشر الخبر و تحليله بمختلف الآراء التي يتمكن من خلالها القارء أن ينتقي الفكرة التي يجد فيها الفائدة، فذهبت الأضواء بعيدا عن "قلان" و صار حاله حال بقية الكتاب دون تميز، مجرذ بوق، و هذا الذي يؤلمه

مسكين هذا، الله يعينه على روحه

أما بقية الموضوع فأقول
شخصيا، أنا لا أهتم بجهة تصويتهم بالعطس
أن أرى أن هذه فرصة لمن أراد اغتنامها أن يجابههم و بالحجة، و سالفة المصلحة كانت تقتضي كذا و كذا و خوفا من كذا و كذا لا زم ما تطوف على الواعي

خلاص، ما عاد في مجال لأي شي

طولتها وهي قصيرة

السموحة اخوي

دمت و الأهل و الأحبة برعاية الله

عين بغزي يقول...

وحياة طنط يابو وليد
التحالف الوطني امره غريب مع نوابه وئال شو ئال مادعمونا بالإنتخابات السابئه إي حل عني
أنا مدون محنك وعلى أولت الشامي المحنك ماتمرء عليه دء الحنك

غير معرف يقول...

الجو بمدونتي هادىء ..أمس و فجأة سلام يا باشا و أصوات مش سامعاها من قبل و و زوار جدد نوروني .. أنا قلت لا يكون ربع الأمن عرفوا منو أنا و داخلين يتابعوني .. يا مرحبا ..بمن حبا .. و ركب القليلبا


طبعا تحليلي "أمن مين و الناس نايمين" .. و أثاري الجواب لينك عندك حاكي عقالي


نعنش قلبي تعليقك لأني أعشق أحمد مطر و حاولت أعيش الدور 3 دقايق بس ما قدرت صعبة .. نحتاج نستورد من لسانه الصريح اللاذع درازن في بلادي
..قبل ما يبخرون نفطنا تحت بندالعيادي


و أما فؤاد الغاشم فراح تلقى على لسانه تواقيع من بند العطايا و الهدايا لأهل المصايب و الرزايا .. الله يبعدنا عنه و عن ربعه

و تسلم و شكريات بو وليد :)

ساره النومس يقول...

الهاشم خلص زمانه ويبي ياخذ زمان غيره اقول له خل ياخذ له اجازة ويفكنا من ملاقته

enter-q8 يقول...

ARTFUL
*-*-*-*
يعافيك يالغالي ملينا خلاص


جبريت
*-*-*
بانت يالغالي


Blog 3amty
*-*-*-*-*-*
اي و الله بس لازم قبلها نوصل رسالة حق اللي ناوي ينزل ونقوله اوقف و عرف


al-rayah
*-*-*-*-*
انا الاعلام بكبره ما ادري عنه و لا اترجى منه شي


خااالف تعرف
*-*-*-*-*-*-*
لذا لازم مننا نقولهم و نوضح لهم الصورة و نعرفهم هالشي



ZooZ "3grbgr"
*-*-*-*-*-*-*
مشكله باكر الاغبياء يصيرون اذكياء



well_serviceman
*-*-*-*-*-*-*--*
على ماظن ان الرسالة اوصلت


ZooZ "3grbgr"
*-*-*-*-*-*-*
بو ثنين ما ياكل شي الا اذا كان حكم و مقطوع يعني يا زوز وما منه فايده
مسموحه


Blog 3amty
*-*-*-*-*-*
الغالي اناعارف موقفه من ايام حملة 102 فازين طلع منه امتناع ومثل ما قلت بالموضوع ان لبعض الاعضاء حسبة سياسية اخرى هو من بعد ناصر المحمد و غير مرغوب عندهم، لكن طبعا انت عارف موقفي لما قلت بعد ناصر المحمد اوناصر المحمد الفيصل هو الدستور فقط لا غير



kuwaiti_cool
*-*-*-*-*-*-*
تدري عاد يا خوي ان اللحين احسن وقت للملمة التيارات لأن الناس كرهت العزف المنفرد اللي قاعد يسبب نشاز لأنك تلاقي راعي العود اوكي بس راعي الايقاع مو ماشي معاه و قاعد يعزف على نمط موسيقى حلو و لكن مخالف لنمط الكمان و على هالمنوال وانت رايح
و هاتك يا خوازيق

enter-q8 يقول...

مـغـاتيــــــــــــر
*-*-*-*-*-*-*-*-*-*-*
حقك اختي حقك



حنطفيس
*-*-*-*
لو دققت راح تلاقي اني متفق معاك على تعديل الدستور ولكن البند الرابع قطه بحر نفس ما قطه علي الراشد بعد بالمقابله و لغاه و هذا السبب الرئيسي اللي ثار الدنيا
اما على اسيل و العنجري ليش ما نقول خل التحالف اهو اللي يقيلهم اذا يخالفون قناعاته
انت شرايك

حنطفيس ترى مغاتير بنت الثانية وعلى هالاساس تكلمت



al-rayah
*-*-*-*-*
انا واحد عن نفسي اذا استمر التحالف على هالمنوال راح ادعمه و لكن بعد تنظيف بيته



جرفاس
*-*-*-*
بو صلوح بعد التصويتات الاخيرة اثبت شيئ واحد فقط انه و اهو نائب و معاه الامه و ما يشتغل بشكل فردي نفس حالتنا يقدر يخضع للضغوط احنا شنو نقول



أهل شرق
*-*-*-*-*
شفت اشلون اكره اي شي فيه رقم سته



omar
*-*-*
رولا كرت محروق رسميا و كلمتي لما قلتها قبل رولا خارج المجلس افضل من داخل المجلس و محد صدقني



alwasmi
*-*-*-*-*
تقدر تصير شاعر بس ما تقدر يصير عمرك 17 سنة


ebtsamh
*-*-*-*-*
بالعكس اختي ابتسامه لما نكون واقعيين ونعرف ان كاتب مثل فؤاد الهاشم سواء اتفقنا معاه او اختلفنا ان يتكلم بالسوء او بالطيب عن المدونات فهالشي يثبت ان المدونات اكتسحت و هزت بعض كتاب العواميد و مو اي كتاب بعد



حقوقي
*-*-*-*
كلنا امل



أبو الدســتور
*-*-*-*
ويـــن

enter-q8 يقول...

نمووول
*-*-*-*
تهقى


جبريت
*-*-*
و الله انك شنب بس لو مو عصبي



Multi Vitaminz
*-*-*-*-*-*-*-*
تصدق يبيله نناقش اهليته



بو محمد
*-*-*-*
صدقت يا بو محمد



عين بغزي
*-*-*-*
اقول اعضاء التحالف يحمدون ربهم
ان الامين العام خالد الفضاله مو خالد العتيبي
كان علوم الله يا كثر شطب العضويات يااااو


insanah
*-*-*-*-*
صدقيني مو الرابط اهو اللي سوى هالشغل يا سيدتي كلماتك اللي سوت هالشغل


طموحة مملوحة
*-*-*-*-*-*
ملاحظه هالشغله قام يحط شغلات من ارشيفه بكثره هالايام و فقد طعمه حيل

غير معرف يقول...
أزال المؤلف هذا التعليق.