12‏/04‏/2009

موسم الهمبا و الهمبكه

تحديث
دعوة من رابطة طلبة جامعة الخليج
الى ندوة مستقبل الكويت
بحضور الملا و الدلال
يوم الثلاثاء الساعة 12.30 بالمسرح الجنوبي
عز الله علقت
الاسبوع اللي طاف كان فعلا متروس و مضغوط و مثل جدر التيفال الحمر بو صفارة اللي قبل



سعد البراك يطالب باسقاط ديون العراق
انزين اشرايك تسقط فواتير الكويتيين اللي مطلوبين حق زين بالاول كبادرة حسن نيه
و بعدين ناقش الموضوع اشرايك

اسيل و مسلم
***********


لاحظوا اني جنتل مان بديت الحريم قبل راي بالموضوع حطيته عند اغلب الاخوة اللي علقوا سواء بالايجاب او بالسلب مع الموضوع و لكن لزم علي اني اوضح بعض الامور ليش بنيت راي بهالشكل اولا مسلم البراك لا يحتاج الى شهادة مني او من غيري لذكر ايجابيته قبل سلبياته و ايضا اننا لسنا بالمدينة الفاضلة و لا احد كامل ولكن عندما نختزل مسلم البراك بالصراخ او الصوت العالي فأننا نكون قد ظلمنا انفسنا قبل ان نظلمه، و ايضا اننا نظلم الاخت اسيل العوضي بمقارنتها مع مسلم البراك فحتى مسلم البراك قبل ان يكون نائب تاريخه النقابي يشهد له لذا فلا داعي للمقارنة، يبدو ان الاخت اسيل متابعه جيده للمدونات او ينقل لها ما يدور بها فمنذ اعلان ترشيحها و تداول اسمها بكم مدونة كنت اسال اين هي اسيل العوضي و للأسف نعم للأسف جاءت الاجابة منها: انها انشغلت بطلبتها الذين تركتهم -يعني ياخت اسيل لو نجحتي كنتي بتداومين بالمجلس الصبح و العصر تصححين دروسهم- و اسهبت بالحديث عن العذر الاول، ومن ثم تفاجأني لتقول انه برغم هذا العذر ، لم تبتعد عن الساحة- مو توك مبتعده- فاشاركت بلقاءات و اجتماعات التحالف و ندوته ونادي الفتاة وشاركت بصوت الكويت- عالفكرة صوت الكويت عدد انشطته من يوم تاسس للحين العام منها ينعد على الاصابع،اما اللي ضحكني فعلاً انها تكمل و تقول: أضف الى ذلك بعض المقابلات والتصريحات الصحفية حول القضايا المحورية
يا أخت أسيل مقابلات يعني الصحافه قابلتك تعتبرين انها تواصل و تصريحات صحفيه كذلك اشوه ان جريدة الجريدة موجوده و الا كان بعد هذول مو مذكورين
لهذا يا اخوان قلت اين اسيل
الاخت اسيل: الكويت ماهي مختزله بمدونة و الا لقاء صحفي و الا اجتماع بالتحالف الوطني
و الا ايميل فيه يوتيوب نفس فكرة براك اوباما علشان تتواصلين مع اهل الدائرة،لما ناقشتني احدى الاخوات المدونات عن رقم اسيل لما قرانت بين اسيل و الكتورة رولا قالت لي الرقم فقلت لها ماهو مقياس لو شفنا رولا دشتي اللي تنشط بكل مجال سواء اختلفت معها او اتفقت الا انني اقول ان لا يمكن ان تكون هناك وجه مقارنة مرة اخرى أمراءه ناشطه اجتماعية سياسية اقتصادية لها دور بارز بالقضايا اللي تطرح بالساحه و ايضا المصيرية و تقولون لي رقم معليش يا اخوان الواحد اذا بيقص الحق يقصه من نفسه اول شي لذا اذا كانت مقارنة فدعوني اقول من هي أسيل مقارنة بالاسماء التي اخذتها في هذا الموضوع
ملاحظة الدكتورة رولا دشتي بالثالثه و مافكرت اني اصوت لها لأن عندي قناعة ان وجودها خارج المجلس اقوى من داخله ويمكن الفقرة اليايه تبين اكثر شنو بقول


جيفارا الخامسة
*************


رئيس الأتحاد الوطني لعمال الكويت
المهندس خالد الطاحوس
يا اخوان لو تعرفون لو بره واحد ماسك هالمنصب شنو يقدر يسوي بالبلد يشل عروقها و يوقفها بتاتاً المنصب اللي يعد من اقوى المناصب الشعبية بل المؤثرة و اللي تستذبح عليها الاحزاب بره لنيلها، عندنا و لا شي تلش ليش لأننا دايما نقص على نفسنا اننا دولة مدنية و دولة مؤسسات دولة مؤسسات جمعيات النفع العام فيها كثر النمل و لا تشوف نشاط لها بالمجتمع و اذا اشتغلت مسرع ما تتث او فزة حصن بس و بالتالي ما ميش و ايضا البلا مننا بالذمة كم واحد فينا عضو بجمعية نفع حدنا اندية و تلاقي مرات واحد من ربعك اهو اللي غاثك يحن عليك علشان تسجل لا و يمكن يسددد اشتاركك السنوي بعد، العجيب ان بعضنا يطالب بأحزاب و اشهارها و احنا نفسنا كجمعيات نفع عام ما نشترك فيها اللي اشوف بوجهة نظري انها الاساس لأي انطلاقة نعود لخالد الطاحوس، خالد الطاحوس لو كان بفرنسا كان ثاني يوم شفت باريس ميته و مشلوله لأنك تتكلم عن رئيس اتحاد عام مو قطاع المواصلات لا كل من يشملهم هذا الاتحاد او مشاركين فيه، تذكرت ايام الاضرابات واستغربت عدم التعاون و الاكتفاء بالتأيد فقط للمطالب، عموما هالكلام مو بالكويت علشان نسترسل وصلني اليوم رابط فيديو لكلمة خالد الطاحوس اللي على اثرها اعتقل الافضل انكم تشاهدونه لأني دققت فيه طبعا خل عنكم الطابع الانتخابي الغالب و لكن الجزء القانوني اللي قال فيه انه مع القانون و تنفيذه ولكن بدون تعسف و اذا تم التعسف سيكون هناك مجاميع لمواجهة هذا التعسف
واحد من الربع قال اذا هذا الكلام اللي قاله فقط ابشر ان خالد الطاحوس بالكريدت له و راح يحقق رقم مو طبيعي من الصفر اللي راح ينطلق منه من قبيلة العجمان

لا و عقب وصاخة الدار لو كان الطاحوس شيعياً
هجوووووووووووووووووووووم

الطريق الى المجلس
**************


عادل امام في احد افلامه يقول بعد ما امسكوه
بلدي طنطا و انا احب اعيش أونطه


انا ما نفيت ولا أكدت و لا قلت، اي بس الناس قالت
انفي ترى في تلفونات في تلفزونات في مكة مو مقطوعه عن العالم
مو شغل بثوا الخبر و خلاص شنو هالموضه الجديده اللي هابين فيها
الناس أغصبتني و الا انا ما ابي


و أستعينوا على أموركم بالكتمان
إرسال تعليق