ليش هالتحرك و هالحملة و السؤال
عن حسين الفضاله
هل لأن اهو سني هل لأنه اهو ولد بطنها هل لأنه اهو حضري
لا يا سادة
لأنه شريك معانا و معاكم
نعم
لأنه كويتي
كويتي يرتبط معاك بالعقد اللي انت و انا وانتي موقعين عليه
و بناء على قبولنا بهالعقد و بهالشراكة
خذينا شهادة تثبت هالشي
شنو هالعقد اللي الكل يتسائل عنه
العقد اهو الدستور
اللي ينظم حياتنا و دولتنا و عملنا و تصرفنا
العقد اللي موقع عليه حسين الفضالة
نفس العقد اللي انت و انا موقعين عليه
يعني كلنا شركاء و نتحمل المسؤلية معاً
خلنا نشوف احد بنود هالعقد
المادة السابعة من دستور دولة الكويت
مادة - 7
العدل والحرية والمساواة دعامات المجتمع, والتعاون والتراحم صلة وثقى بين المواطنين
التعاون و التراحم صلة وثقى بين المواطنين
المواطنيين شركاء الوطن
اليوم حسين
باكر يمكن انت
يمكن اخوك
ابوك
و بالاخير مواطن كويتي شريكك و شريكي
لنعيد تلاحمنا كما كان
ندعو الى الله أن يرد حسين لأهله و بلده
المعاناة ما عشتها لكن ابسطها بابسط مثال
اغلبنا يسافر سياحة و يتلهف على العوده لبلده
سياحة فما بالك من لانعرف مصيره
أسف ولكن اكيد لن يكون بنفس حاله بين اهله و بلده
أدعوا معنا لشريكنا في الوطن
المواطن حسين الفضالة بالعودة الى ابنائه وربعه و جيرانه
و الى رؤية بلده الكويت
و لا تنسوا ان تساهموا معنا برفع الشعار
حتى يعود
تم تصغير الشعار اذا اردت وضعه في مدونتك
على موقع
شكرا للأخ ناصر للمطوع
سؤال يتبادر لدى بعض الاخوة ليش تأخرت
السبب أني كنت متفائل وكان أقصى تفائلي هو رؤية
المواطن حسين الفضالة
راجع بنفس الطيارة مع وزير الخارجية
هناك 30 تعليقًا:
الله يرده بالسلامه ان شاء الله ..
الصمت الحكومي متوقع أما صمت النواب فمحير ..
هل اصبح المواطن آخر اهتمامات الدوله ؟؟
اقول بو وليد، مو تستحي و تمسح الردود اذا صارت حاقدة على ايران
و انشاء الله حسين راد باذن الله
اما تنبلة النواب و الحكومة فاتمنى وسائل الاعلام تشد حيلها و تحرجهم بالسؤال......!!!؟
بو وليد جهد مشكور وواجب علينا جميعا ، اعتقد ان التحرك يجب ان ينتقل لخارج المدونات
يجب ان يكون امام السفاره الايرانيه اعتصام وآبلني اذا خلونا الحباب بالداخليه
اذا ماصار نحول الاعتصام لوزارة الخارجيه مثلا
معرفه مصير مواطن وعودته اهم من زياده الدوائر لعشر او نقصانها لواحده
ان شاء الله يرجع بالسلامه .. بس خلااااااص وايد مصخت السالفه !!
صج صج الله يصبر اهله و يصبره
ما أدري شنو تفاصيل السالفه
ولا تعمقت فيها
ولا اسكن الكويت
لكن يربطني بها دم قوي
حسين الفضاة وغيره من اللي راحو من جيس اهلهم
وتركو عيال قلوبهم تتقطع كل يوم عليهم
ارواحهم معلقه برقبة الحكومة
لازم تسوون شي عندكم
يا رب يرد سالم غانم :(
الله يرده بالسلامة انشالله
نبي نشوف آخر صبرنا شنو أهوا
حسبي الله ونعم الوكيل
ليش الحكومة تعامل الكويتي
كأنه حيوان
غير مهم
لكن
كلنا مع حسين
ومع كل كويتي
الحمدلله
والله شي مفرح اننا نشوف الكويتيين على قلب واحد
وشي محزن ومبكي للغاية
ان للحين ما نشوف لا حكومة ولا صحافه يسووون شي
ماكو الا
اعتصام امام السفارة الايرانية
جزاك الله خير اخي العزيز
عسى الله يرد حسين وكل غايب
لا تنسونه بالدعاء
واللي عندهم اعييز وشيبان يوصونهم بالدعاء لحسين
لان هم البركة والله يحفظنا بدعاؤهم
اللهم كما جمعت بين يوسف و يعقوب اجمع بين حسين واهله واخوانه
الله كريم ..
الله يرده بالسلامه
انا ما ادري الحكومة شقاعد تسوي
ويقولون ليش محد يحترمنا بره
شوفوا السعودية شسوّوا بتايلند علشان مواطنينهم
الله يرده بالسلامه
ويعطيك الف عافيه يا بوليد
اخوي خالد .. شكرا على طرحك الموضوع بطريقة تدل على رقي تفكيرك
واسال الله العظيم رب العرش العظيم ان يفك عوق الفضالة ويرده لأهله ولديرته قبل نهاية هالاسبوع آمين
وعسى اهله وحبايبه ما يذوقون حر الانتظار
الانتظار صعب واسال من جرب 18سنة ولا زال
:(
اللي يقول شمعنى حسين... اثول
ولاني راد عليه علشان ما تتشعب السالفه وتضيع
اللهم رجع حسين لأهله وناسه
يا ارحم الراحمين
الله يرده بالسلامه
مالنا الا الدعاء
ولا الحكومه او المجلس.....قايلين لنا طيط من زمان
تغذي عيال الماس و تداويهم.. وعيالها لعيونهم خطافه
الله يرده بالسلامه ..
لو عنده فلوس و يحرك بالبورصه يردونه بنفس اليوم و اذا مواطن على قد حاله يتنقع
و انشالله يرد عن قريب سالم غانم مافيه شي
عسا الله يرده سالم لاهله
بس بعرف منو يقول اشمعنى ؟؟؟
عشان ادوس ببطنه
مشكور يا بووليد على تحريك الموضوع
الله يرده بالسلامه
ويصبر عياله واهله
استغرب استحياء الصحف نشر الخبر
بشكل مكثف !
لاحول ولاقوة الا بالله
شسالفه ؟
:/
بس عرفت
بركات الجوجل
:)
عسى الله يرده بالسلامة و تفرح الكويت كلها برجعته
عسى اله يفك اسره
ويرجعه لاهله واحبابه سالم يارب
واللي معاه
توني كاتبة رساله في مدونة الرئيس الأيراني أحمدي نجــاد
أطلب منه المساعدة بقضية حسين القضالة
شي بسيط .. لعل وعسى يفيد
الله يفك كربته
ويرجعه سالم لآهله
اللهم أأأأميييين
ايران تحتاج إلى شيء واحد
تحتاج رسالة توضح ان كل مواطن كويتي مهم
شلون توصل الرسالة
يعني ممكن مثلا
مثلا يعني
ينرد لهم سمجهم اللي نصه خايس إلى ان يرجعون حسين
يالله تره بسلام
شغل النعام الى تسويه الحكومه ما يفيدها
الله يرده بالسلامة بإذن الله !
الحل وايد بسيط لو حكومتنا تنفض عن نفسها غبار الخوف !!
استدعاء السفير الإيراني لوزارة الخارجية وإمهاله ٤٨ ساعة لمغادرة الكويت بصفته شخص غير مرغوب فيه إذا ما رجعوا حسين الفضالة !!
وإذا يكمل السفير الإيراني معروفه ويأخذ معاه باقي الشلة التعبانة بسفارتهم بعد زيزعلى زين !
شنو بسوون الإيرانيين عقبها ؟
يبون يردون علينا بالمثل !!
أبركها من ساعة !
يقعد سفيرنا هني مع أهله وربعه أحسن له من مجابل الويوه الودرة !
لكن ، هل الحكومة عندها الجرأة ؟؟
This is the million $ question !!
انا مع اقتراح بو بدر
انت السفراء هني يوقفون الديرة على رجل وحدة .. يخرعون الحكومة بكبرها .. تبي يطردون سفير ايران
سأبة هيل
الله يصبر أهلة ويفرج عنه اليوم قبل باجر
آمين
الله يرده بالسلامة انشالله
إرسال تعليق