29‏/08‏/2007

أخلاق الكويت متوفرة بمحلات البقالة


اول شي لا احد يعاتب


تدرون اخوكم ثاني سنة زواج مع اول ولد


مع ثالث تشكيله حكومية


خلال ستنتين


و الرابعه جاية بالطريق


ما ابي اعور راسكم


عموما في عاصمة التجارة الخليجية الكويت


لا احد يروح بباله مكان ثاني


وانا اتمشى


و ضايق خلقي


والاخلاق صايرة تعيسه

وحدها ضيقه

سواء كانت بالمجلس او صحافه او حتى التعامل بالشارع


لقيت الحل


وقلت انا شنو غبي طول هالمده


جدامي الحل اللي ينقذ الكويت و اهلها


و ما استخدمته


شوفوا الحل اللي كنا ما ندري عنه


مو حل مجلس الامة


هذا اهو الحل
BAKAL AKHLAK AL KUWAIT
الترجمة
بقالة أخلاق الكويت






عموما
مبارك عليكم الشهر مقدما
بصراحة فقدتكم

هناك 25 تعليقًا:

Diver يقول...

الحمد لله على السلامة و من طول الغيبات ياب الغنايم (تحلطم على كيفك) صح السانك اخوي لو حكمنا الاخلاق جان صرنا خوش ناس لانه لو الواحد فينا اخلاقة زينة العموم اخلاقهم زينه

حسام بن ضرار يقول...

الحمدلله على السلامه و مكانك كان فاضي و محد قدر يسده يا بو وليد

الصورة معبره

و السوأل: اين وزارة التجاره ما تدقق قبل منح التراخيص؟

تبي تشوف الضحك الاصلي ... اسماء التكاسي الجواله


و عودة حميدة و مبارك عليك الشهر

LiL ALiEN يقول...

الف الحمدلله على السلامه .. والله لك وحشه

ولو اني زعلان عليك ادزلك ايميلات ولا ترد علي :( .. ولا نشوفك بالماسنجر

على العموم .. سعيد برجوعك لعالم التدوين .. وان شاء الله ماتقطع

salfa3ajeeba يقول...

il7amdillah 3la ilsalamah,


wi min 6awwal il'3eebat la ya7rimna min ilpostat il7ilwah inshala:)

qesat_5ayal يقول...

الحمدلله على السلامة

واما البقالات او المحال فلها أسماء حدث ولا حرج :)

almassah يقول...

الحمد لله على سلامتك اخووي

ومبروووك البيبي

ويتربى بعزك يارب


من زمان وانا انتظر قدووومك ...عندي استفسار وحضرتك املي الوحيد اللي بتعطيني الاجابه فبعد اذنك ممكن ايميلك اطرش استفساري وتراني عليمية نت يمكن يكون ظاهر بسر ترا مادري من وين اطلعه:)


ومشكوووور مقدما

شرقاوي يقول...

مبارك عليك الشهر يا بو حمني

enter-q8 يقول...

Diver


صح بدنك يالغالي

و هالبقاله هذي انصح اللي ذكرتهم بمدونتك هالشاعرين انهم يرحون يشترون اشوية اخلاق منها




حسام بن ضرار

الله يسلمك يالغالي و يبارك فيك
حسام اتعب على الترجمه مالت التكاسي
ترى المشكله انهم بالتجارة يحطون الاسم انجليزي معرب
يعني
Taxi Dwon Twon

تكسي داون تاون

على قولتهم ابتسم انتفي الكويت


lil

والله ما ياني شي
عاد كله الا زعلك
خلاص بنرد على الماسنجر

تذكر يوم سهينا برمضان اللي طاف واذن المغرب و احنا قاعدين نسولف على الماسنجر
ههههههه


salfa3ajeeba

الله يسلمك
و ان شاء الله ما راح نقاطع
و لاتحرمونا منكم

qesat_5ayal
شكرا على هالطله الجميله
و اتشرفت بمروري على مدونتكم
تعرفين ان ايام المناخ في شركة اسمها
دزني و اطيح
صج و الله


almassah
هلا اختي الماشه تسلمين اول شي
ثاني شي ترى خرعتيني
عموما ايميلي
حاكر كل شركات الايميل اي نطاق ينزل مسجل اسمي فيه


enter-q8@hotmail.com

enter-q8@msn.com

enterq8@gmail.com

تبين بعد
اي شي فيه
enter-q8@حطي اي شركة ياهو مو ياهو كله

enter-q8 يقول...

هلا بالعم شرقاوي

علينا و عليك يالغالي

ها ترى ناطر هالسنة مو نفس كل سنه ان شاء الله

اعمق التحيات
برائحة ماء الورد و الزعفران

Bad-Ran يقول...

الحمد الله على السلامة
مبروك الزواج
مبروك ما ياكم و يتربى بعزك
مبارك عليك الشهر

حد القلم يقول...

عودة ميمونة

و مبروك الولد و يتربى بعزك ان شاء الله

و مبارك عليك الشهر مقدما

2 u ALL يقول...

وينك ياالغايب الحاضر ..!! الحمد الله على السلامه ..!! كلنا نغيب بس نرجع ..!! مت من الضحك من هذا "الحل" الرائع ..!! نعم ما نحتاج في الكويت ألا الى كم كبير من الاخلاق ..!! ويعوده عليك بصحه وسلامه ..!!؟

عاجـل يقول...

عودة موفقة واعتقد انك زودتها حبتين
لان الانقطاع كان وايد
---

يا سبحان الله تصدق ان بقالة الاخلاق هذي انا عملت عنها بوست من قبل
يمكن في رمضان الماضي

الظاهر ان المزاج واحد

غير معرف يقول...

welcome back

واقولك شخباري اخلاق
:)

Unknown يقول...

اول شى مبروك ما ياك

وفعلا مكانك خالي يا بو وليد

وبعدين هالبقالة اتوقع من قبل الاستقلال علشان جذى الاسم كان قبل اى شى وصخ بالكويت
وكانت مؤاتية لما يحدث بالكويت
بس الحين ماكو
وسنة ثانية زواج شد حيلك

:))

أبو شملان يقول...

زين ردين

:)
الحمدالله على السلامه


اما هذا موضوع البقاله .....سالفتة سالفه

شنو ماحصل غير ها الاسم :)

AuThoress يقول...

تدري إني يوميا أمرّ من عند هالبقالة،حتى أصل لمكان عملي؟


ويومياً "اتحلطم" أيضا على التسمية العجيبة!؟


يا اخي، ما عادت هناك أخلاق، الوضع مؤلم كما لم أشهد من قبل،وتنبّه الآخر عن الخطأ وطبعا تنقلب الطاولة عليك وتطلع انت إبن مليون غلطان


لا تقلّب المواجع

تحية لعودتك هنا
ولاتقطع

نون النساء يقول...

عودة ميمونة
وشهر مبارك ان شاء الله


وما تأتي قطيعةٌ إلاَّ والوعد بعدها..وصالُ

enter-q8 يقول...

Bad-Ran
الله يسلمك و يبارك فيك
و مشكور على مروركم الكريم يالغالي


ابن زيدون
يا هلا والله يالغالي عاد القطاعه انت اول من قطع
و اختفيت مره وحده
كلش ما درينا عنك
و يبارك فيك يالغالي

2 u all
الله يسلمك وحلوة الغايب الحاضر
فايق عبدالجليل
والله اسباب الغيبة
وايد مع اني ما كنت منقطع
وكنت اكتفي بالتصفح حتى الاحوال ما تساعد
يعني على قولتهم
شا احكي شاقول
وصج على قولة زميل لي
ايام الدراسه
كان تعليقه على اي موضوع
سياسي رياضي اقتصادي فني
اي شي
حتى الاكل
كان يقول
اهم شي الاخلاق

العزيز عاجل
والله يالغالي انا من ناحية زودتها زودتها
بس والله كنت اتابع

واخوي عاجل مو المزاج الا الروح وحده
و الهدف واحد

الله لا يحرمنا منك

حمودي

اي والله صارت كلمة اخلاق
عتيقه
تدري اشلون
خلنا نسوي حملة
نفس الوطني
و نقول
يبيـــــله أخلاق
يبيله

مشكور حمودي

Mishari
هلا المشري
الله يبارك فيك
ترى هذي ثاني مره تبارك لي
اشدعوه يالمشري يوبا
فيكم البركه و ما شاء الله عليكم وعلى الاخوان
شمس ما تغطى
و تسدون
تصدق انا اظن نفسك بعد قبل الاستقلال او بعد الاستقلال
وعلى السنة الثانية الله يعيين

تصدق المشري

استغرب من ابوي اقوله انت اشلون صار لك 93 سنة متزوج

اشوه المره ما تعرف البلوج

بو شملان
هلا بو شملان
عدنا و العود احمد
ما ادري شنو قصة هالمثل
بس دايما ينقال بروح ادور عليه
اما موضوع البقالة
ترى اهي مقابل مخفر المرقاب
يعني قديمة
اكيد له قصة
ودي اروح اقص عليه و اقوله عطني الترخيص
انا موظف بلدية او تجارة
و اطلع اسم صاحب الترخيص و اساله
ليش
اخلاق ليش

authoress

اول شي الله يعينك فعلا اذا كل يوم تمرين عند هالشارع المزدحم
صج الله يعينك
و ما الومك لما تتحلطمين ( و طبعا هذا العادي للوضع الحالي ) فا فوق تحلطمك على الاسم
مالومك هم من الشارع اللي مكسر و الا اللي غصب يطوف والا والا
اما الاخلاق
فا غنية راشد الماجد اهي اللي تحضرني
سلامات
قاعد مع مدير امن احد المحافظات و اسولف عن الشباب و مشاكلهم
و قاعد يقول بدون استثناء عن المصايب اللي تصير
وعن عدم وجود الحياء
فقعد يقولي اشفيك سكت
قلت له
قبل
احنا نستحي بس ما نخاف
هالجيل للأسف
يخاف بس ما يستحي
لأن لما تتله من قفاه و تحطه بالدورية
يصير ادمي
بس احنا قبل اغسل ايدك كنا نخاف من الشرطه مو خوف الرهبة
خوف الحياء على اسم اهلنا
يالله الله يعين

نون النساء
ميمونه اخت معصومة و ما راح يحطونها وزيرة
اشلونك نون
ها ما فكرتي متى تنزلين ديوانك الاول

Ra-1 يقول...

Welcome back :)

Barrak يقول...

الحمد لله على السلامه وقرت عيوننا بهالشوفه

يابختنا

enter-q8 يقول...

Ra-1
هلا بمصورتنا
ياجماعة اللي يبي يصور
ترى خوش استديو


Barrak
هلا البرك
ها اشقلت تبي الحارس ترى معروض عليه الاحتراف بشركة الرائد للحراسه


مشكورين يالغاليين على مروركم

aaaaaa يقول...

حمدالله على سلامتك فقدناك

Sharbil يقول...

الحمدلله على السلامه :)

نورت والله .. كنا منتظرينك من زمان

دخلك ما بدون يفتحو فرع بلبنان ؟؟
لازمنا هيك شي

Unknown يقول...

حرام.عليك.وقفت.قلبي.(لقيت.الحل)والنتيجه.تكلمنا.عن.بقاله.يااخي.قول.
شئ.ثاني.يدر.فلوس.عقار.رخيص.طبيب.سجاد.
خرفان.حلوي.اثاث...