11‏/03‏/2010

افلام كزخستانية

وصفو لي الصبر لقيته خيال و كلام بالحب يدوب يدوب ينقال

تخيل معاي واحد اثنين عشرة اميه طاف او طافوا الاشارة حمرا
تطلع لك وزارة الداخلية و تقول ترى احنا بنطبق القانون على اي واحد يطوف الاشارة حمراء
ياسلاااااااااام
صج و الله ما اتغشمر يا جماعة وزارة الداخلية اللي اهي احد افرع السلطة تنفيذية و عندها قانون يشرع لها تنفيذ مهامها تقول ترى انا راح اسوي جذي

ليش اكو احد ماسكم و الا حايشكم و الا قانون استجد يمنعكم
ترى الشعب مو غبي عاد جد جد امصخت السالفة صج
الجويهل ،علي الراشد ،العدوة
معالي وزير الداخلية عندك قانون طبقة محد حايشك او مانعك
ليش هالتصريحات الاعلامية لا تقول راح نسوي لا سوي و طبق و نفذ
من زمان و جناسي قاعده تسحب اشمعنى بعهدك هالملف صايره في افلام زغزغني بالظلمة
مربط الفرس
اشمعنى و ليش و حق شنو تتكلمون
عملكم و قوموا فيه محد راح يحاسبكم اذا قمتم بعملكم، بالعكس اذا ما قمتم و تقاعستم اهني المحاسبة
على ما اظن ان لازم تنتهي هالافلام البنغالية اللي مدبلجه كزخستاني اخراج صومالي انتاج كويتي
كل يوم ياخذ بطولتها واحد و يرددها و هالنوع من الافلام ناره قشره ما يستحملها البلد

/*-*\



و الله يصبرنا
و نرجع للصبر الناطق الرسمي
تعليقه على ما جري في جلسة التحقيقات بالشق الاخير ما كان له اي داعي
كناطق رسمي لوزارة سيادية لها هيبيتها
فقط ان ينفى ما تم تداوله من تصريحات نسبت الى الوزير او يوضح فقط
اما انه يعلق ببقية تعليقه لا و بوكالة الانباء الرسمية للدولة
بما معناه لا تسوي نفسك بطل
بالجلسة السرية ( ترى على فكرة انا اشوفها مدح مو ذم لما تكون بسرية و يتكلم بجراءة و بطولة... تعال فهم عاد )و الا مو بطل سرية و الا مو سرية فعفوا انت مو مذيع بقناة سكوب انت ناطق رسمي لوزارة تحكم البلد

/*-*\

وانا قاعد اقرى مدونات الزملاء
شدني موضوع الزميل اي كويت و الخاص برسالة الشيخ فهد سالم العلي
خصوصا ان هالمرة تطرق الى امور حدثت و لم تنشر او غير قابلة للنشر لأنها احاديث خاصة و ليست علنية
يا ترى ماذا ستحتوي الرسالة الثالثة غير ربك يستر

/*-*\




نسيت اقولكم
تدرون ان حكومتنا العزيزة خصخصة الكويتية و صدر مرسوم اميري بهالشان منذ سنة او اكثر حالياً
وتدرون ان وزير الاسكان و التنمية قال اول شهر فبراير و بعدين طلع لنا البصيري و قال شهر مارس و تحديدا بتاريخ تسعة
9/3/2010
و ليومك موظفين الكويتية لايصين و ما في اي خبر و بالطبع معاهم رئيس مجلس الادارة اللي ابتلش كل مايصرح تنعفس السالفه طيراتنا بتطيح و يرد البصيري لا مو صج

قال مركز اقتصادي قال تنمية
أقولكم
حاكي عقالي
اخر سوالف الاعلام
هلهوله البعث الصامد
دشوا اهني
إرسال تعليق