29‏/08‏/2009

حصابيص كويتية


وترى استراليا شالوا الاجهزه الي بالمطار وقالوا عنه مرض عادي
ماكو الا العافيه على انفلونزا الخنازير
لالالا ، ماتوقعت منك سالفة الإنفلونزا .. يمكن ما فهمتها عدل ، لكن ياخوي ترى بالكويت امكبرين الموضوع ومعطينه واااايد أكبر من حقه.
عقب تخويف العالم من قبل السلطات الأمريكيه والمستشفيات ، وعقب ما بنفس الوقت انكسرت سياحة أمريكا والمكسيك ، اطلعت السلطات الامريكيه وطمنت الشعب والوافدين بأن الموضوع "عادي" ومافيه اي مشكله
على طاري انفلونزا الخنازير, أنا أشوف السالفة معطينها أكبر من حجمها .. ويوقولك 98% من المصابين بهذا المرض يُشفون بغير علاج. لمَ الخوف إذاً؟؟

هذي تعليقات الربع قبل هااشرايكم تبوني احط زاوية بالمدونة و نحصد فيها عدد الوفيات و الاصابات بانفلونزا الخنازير يوميا لا و بسميها خنزرها ياهلال حسب ما سماها راعي تنكر
ها اشقلتم
اليابان صكت 77 مدرسة ، البحرين اجلت الدراسة حتى اخر سبتمبر ، البيت الابيض يعلن ان انفلونزا الخنازير خطر صحي جدي على امريكا وهي سلالة جديده لا مناعة منها عند احد تقريبا، الصحة العالمية تحذر من موجه جديده من انفلونزا الخنازير شهر اكتوبر
و عن نفسي انا اعلنت ان مستشفى الجهراء يعتبر منطقة موبؤه



القبس انا قايل راي فيها من قبل و بشارع السخافة بكبره
و التناقض او اللعب على وتر الحريات هو ما جعلني اضحك في ظل التخوف من الانقلاب على الدستور يقولون الحريات يعني التناقض اشلون صاير لما تقول القبس بافتتاحيتها اننا شعب مسلم بفطرتها و لكن الى اخره يعني الحمدلله احنا مسلمين زاد التيار الديني المتشدد او خف ماهي مشكله ونتائج الانتخابات واضحه لذا حكاية شماعة التيار الديني خالصين منها اذا الاسلام دين وسط بالاساس و هذا روحه ولبه لذا من غير المعقول ان يتم التعارض مع اساسه من الدعاة الجدد لكن اقروا ما طرحه الزملاء في مدونة وجهة نظر
القبس و عبداللطيف النصف و مشيت الحمامة


سكان مشرف الله منعم عليهم و حالتهم المادية زينه و فيها كم سفارة و سفير و كم وزير و وزير سابق و وكيل وزارة و و كيل سابق و عضو و عضو سابق بعد و راس خدامتنا يا اهل مشرف ان ما لجئتم للقضاء لا يصير المتر بخمسين فلس و حالتكم نفس حالة ام الهيمان و لكم في ام الهيمان عبرة


قضية الراي العام اليوم
و اهي قناة سكوب الاختلاف اللي صاير اهو على حرية الراي و حرية الراي مسؤولية قبل كل خصوصا اذا كانت مو فردية اكرر مو فردية هذا الشيئ الاساسي قبل ما نتكلم او نتناقش على الاقل و بما ان القضية اليوم فيها اختلاف
خلنا نطرح ثلاث اسئلة ، هل نهج قناة سكوب هو نهج معارض لسياسة الحكومة بتاريخها الاعلامي ان صح التعبير
هل يؤمن القائمين على قناة سكوب بدستور الدولة كاملاً و يدافعون عنه ليطالبون به بقضيتهم الحالية على الاقل
الاهم و راس من يعز عليكم احلفكم بالله الممثلين اللي ببرنامج صوتك وصل في امه خير احد فيهم ينتقد مو وزير الا شرطي بالشارع بشكل مباشر الا اذا قالو له روح و مالك شغل (الا اذا طلعنا اليهال الباند اللي اسمها غالية و زميلها الدلوع مال برامج الاطفال قبل فترة اللي يبثونه بسكوب و قاموا يمثلون بهالمسلسل) اهني مربط الفرس
نسيت اضيف قناة نجمها اكبر كذاب يقول من عيال بطنها مره و يقول انه ما يبي ينزل مجلس الامة علشان يخدمهم من القناة و اهو ما يصوت و يقعد يتكلم عن كويت الماضي و اهو ما دخلها الا متاخر يعني المصداقية زيرو
يــــــــا جمـــــــاعـــة
محد يقدم على عمل الا ضامن او اغراء مادي و طبعا انتم عارفين الامكانيات المادية كافي ان البشوت ماخذينها من احد الرعاة اذا حطينا هالاسئله جدام عيونا و حطينا اجاباتها عرفنا
القمندة


بالاضافة الى امر اخر وسائل الاعلام صارت تاخذ على محمل الجد حرصها بعدم اثارة اي فتنه طائفية او فئوية و نشوف سكوب مطنشه و لا كأن على بالها نشوفها ببداية هالشهر الفضيل اللي المفروض تكون لغة الحوار فيه راقية حاطين لك الجويهل وهاتك يا سب و الفضلي يقول نطلع فاصل و المخرج معطيه اشكل و يقوله انت تحمل المسؤلية انا ماليش دعوة و اللي يعز عليكم شنو موضوع الساحة اللي يستدعي لقاء متلفز مدته اكثر من ساعتين مع شخصية نفس الجويهل ( اللي حتى الوطن استضافته مره و ابتلشت فيه واحشمت نفسها(و شنو الجويهل عنده غير ملف 65 و 44 عقربه عالفكرة ترى مقابلة الجويهل قبل مالداخلية ترد على النائب علي الراشد اللي معطل التنمية و اهو اذا في احد اعضاء مجلس الامه عنده ازدواجية بالجنسية السؤال اللي فعلا محتاج اجابة هل لو كان في عشرة من اعضاء مجلس الامة اكرر عشرة لديهم ازدواجية سيعطلون التنمية او يضرون البلد في ظل وجود اربعين نائب اخر يوبا مو عشرة عشرين يا علي بو فيصل لما الناس اتهمتك بان لك علاقة بالجويهل ما جت من فراغ و لا اهم يكتون فال لأن الجويهل باختصار قام يغرد و يهلهل به على الوتر مالك اللي اهو مو غلطتك غلطة وزير الداخلية و العقيد الصبر اللي يرد بسكوب اربعه و عشرين ساعه و عاجز انه يرد اهو و الحشاش يوبا مو اهم لو جيب اي ضابط بادارة الجنسية يصرح تصريح بسيط يقول ان اي ملف او قضية بهذا الشأن اي ازدواجية الجنسية تتعامل معه وزارة الداخلية وفق القانون و كان سكت مو علي حتى مسلم لكن على منو نشرهه يخلون القضية بين شد و جذب و هاتك يا ضرب كل واحد نخلص من بدو و حضر تطلع سالفة سنة و شيعه هدت السالفة و الحمدلله الله سكنهم مسانهم بحادثه اليمة يبون يرجعون هالسالفة مع سالفة الحريات لناس ما يؤمنون بالحريات عالفكرة بالنسبة لمسلسل صوتك وصل ماكو الا القطان اهو اللي يقلد صح فيه و الباقي تلش بس اللي يبي يعرف مستوى الممثلين او الاخراج يشوف التتر مال البداية غترة و عقال و يحرك كتوفه على قولة البدو اللي مو مزدوجين ابك مير تهزز كتوفك كأنك مره الله انقلع قلعك الله احلى شي ان طلال السعيد بالتتر كاتبين اسمه شاعر الوطن و سكوب قمرهم كلهم وخابينا بانهم الناقل الوحيد لدورة الشايع اللي دورة البشير لناشئين شرق اوسط افريقيا تنظيمها احسن منه ما ابي اقارنها بالروضان اللي تفوقوا للامانة على انفسهم لا و اتفوقوا على تنظيم خليجي 16 اللي صار بالكويت والا هذي قناة اعرض فيها لا مذيعين يعرفون يتكلمون ولا شي لا وقناة كذابه تقول بالتتر مال الدعاية اكبر حضور جماهيري حلاتهم مكتفين بالنقل و بس ،ادري طولت عليكم و لكن بالنهاية مالي الا اقولكم هالموضوع حطوه بين عيونكم
التعليم في الصغر كالنقش على الحجر

اي ما شفتوا المسج الجديد

إرسال تعليق