05‏/04‏/2009

لا كليت بصل أشبع بصل


هالمثال قديم ولكن ذكرني حالياً بعد طغيان الحملات الاعلامية على الساحة و اود ان انبه انني لا اشكك في مصداقيتها او وطنيتها
ليش
لا كليت بصل اشبع بصل
لأن اذا كليت اشويه خلاص الريحه ماسكتك ماسكتك فأشبع بصل و هني نفسك
خليها بيضاء
اللحين انت او انتي قمتم ولبستم و كشختم و تعطرتم و هيئت خدك لتبووس و تمرن عضلات ويهك لتوزيع الابتسامه للكل و تجهز لسانك لكلمة ابشر ما يحتاج توصي افا عليك و تنطر بالدور بهالزحمة علشان تخليها بيضا
و على فكرة ترى ماهي بيضا اهي باطالــه يعني قاعد تساهم بشي باطل ياخوي يا اختي اذا مو عاجبك احد لا تروح من الاصل اما اذا تقولي ودك احد ينجح و عارف انه ما ينجح اهني قاعد تساهم بمصيبة قوم وشد حيلك و انشر و اكتب و زور ديواوين و وانشر فكرتك ان لازم نوصل ناس معينة لهالأسباب اللي اهي كذا و كذا و كذا ترى قاعدين نساهم بمشكله بدون قصد فعلا يا جماعة، راح نزرع ثقافة جديده لأي مواطن يرى انه يقدر او يبي يخدم بلده و يشوف انه لا يمكن يحصل دعم حتى لو طرحه جيد، ليش ما نشجع هالاقلية و نقولها مو لازم تحط مقر مبهرج مو لازم تكون عندك فلوس و الا اسم او قبيلة لا انزل و بين طرحك و اقنعنا و ابشر


لا كليت بصل اشبع بصل
*****
الواحد وده مرات يرقع تلفونه بالطوفه من كثر الاتصالات او المسجات اللي قاعده تهف و اخرها سؤال البنت الدلوعه النعومة
مساء الخير منو بتنتخب بالثالثه
شــــكو اشدخلك انتي
و الله اخوي احنا مركز دراسات و بحوث
هم شـــــكو اذا التصويت او الاقتراع يتم بالسر انتي تبيني اقولك من اللحين يوبا الفرعيات بالسر شهالخنبقة
لا انت مو فاهم اهي دراسة
قلت يوبا مو دراسه هذي انتي عندك رقمي و اسمي مبين وانا بأي دائرة لأنكم شكلكم ما تعرفون الا ارقام الدائرة الثالثه شنو قصتكم منو انتم
مني مناك لفينا و طلعنا المستخبي
و الا الصدمة
طراراراراراخ
مجموعة ******* للبحوث و الدراسات
طبعا اللي يملكها مرشح بالدائرة الثالثه
و هم طلعنا العنوان
شغل تمحلس القطاوة بطلوه
إرسال تعليق