22‏/03‏/2009

شعب على نياته


عندي زميل يمون علي حيل و للأمانة الرجل قلبه على البلد ولا ازايد عليه بحبه للكويت امس بالليل مرني وقعد يسولف معاي و يقول بو وليد بوصيك على واحد نازل ضحكت و قلت له منو
قال محمد الدلال فضحكت قالي اشفيك قلت له فلان انت اعرفك عدل وهذا اللي خلاني اضحك يافلان انت معروف عنك انك ما تحب الاخوان و اذكرك بالانتخابات اللي طافت اشلون كنت تقول حسافة اسيل ما نجحت عناد بالصانع شسالفتك ياخوي
قال ها و شدخل هالكلام بالموضوع
قلت له اللي قاعد توصي عليه نائب الامين العام للحركة الدستورية

قال ياخوي انا بعطيه و واوصي عليه علشانه اهو مو علشان حدس و ناصر الصانع عليه مواخذ وايد طالعته و مسكت الجنجفه و قلت له اللحين ايهو الاقوى خال الحكم و الا الباش

قال خال الحكم بس الجيكر اقوى

قلت له اوكي الجيكر اهو الحكومة مع انها مرات تصير ميكر وخال الحكم حدس و الباشا و الميم و الغلام اهم اعضاء حدس بالمجلس يعني الخال اهو اللي يمشي كلامه
يعني اللي نازل مو محمد الدلال جارك او ولد منطقتكم اللي نازل حدس انت تبي تعطي حدس و الا الدلال
الرجل ما يمثل نفسه يمثل التيار اللي ينتمي له هل انت مع حدس اهني مربط الفرس
يالله قوم و عطني جنجفتي
****

بالعادة الاعلانات تكون بكثرة وقت الانتخابات لكن اظن هالاعلان ما راح ينزل الا بعد الانتخابات و الا انتم اشرايكم



****



مدونة الدوائر الخمس اهي خليط من الاراء و من كل التيارات اللي يحب يشارك باخبار او معلومات لا يتردد و اهي مفتوحة لكل التيارات
إرسال تعليق