14‏/12‏/2008

داوني بالتي هي الداء يا كيمكال





قبل التطرق الى الموضوع
سؤال في لب الموضوع
لو كان لك اختيار ان تبني مشروع نفطي ضخم
هل تؤسسه في امريكا او في الكويت
و اذا اردت ان يكون لك شريك
هل تفضل شريك اجنبي ام خليجي
من هالسؤالين اللي سألتهم لنفسي
بنيت قناعتي الشخصية
و خصوصا بعد البحث بموضوع الداو كيمكال اللي اثار ضجة جديده
بالنسبة لي انا مصداقية الحكومة عندي ناقص صفر مو صفر بس
و السبب بل قولوا الأسباب
اذن مالجديد عندنا لا جديد
لأن الحكومة وصلت مرحلة لو تقول حق الشعب هذا بحر و فيه ماي
الشعب راح يرد عليها ندري
بس فيه تلوث بعد
السالفه مو تكذيب الحكومة او الخلاف معاها فقط
ولكن الشفافية و التفاصيل
و كما هو معروف ابليسوا يكمن بالتفاصيل
اخواني تتذكرون لما تكلمنا عن المصفاة الرابعه و طلع الكلام صح
تتذكرون لما تكلمنا عن هالبيرتون و اهني مربط الفرس
اليوم اكثر من كاتب و اكثر من نقابة و اكثر من جمعية نفع عام
و اكثر من نائب تكلموا عن القطاع النفطي
و لما نتكلم عن القطاع النفطي نتكلم عصب البلد
اللي قال عنه بو عدنان عبد الحسين عبدالرضا
ماي بيبي درينك ميلك نوووو
بيبي مي درينك بترووول
شسالفه شهالتخبط يا عمي اذا انتم صح خلكم شفافين
اما اعلام هذه الجهات سواء الحكومة او البترول
فا يذكرني بتعليق زميلنا العزيز بو تشخيص عن سوالف الداخلية اللي كان مدافع عنها
انهم بعد ما تصير اللوية
يصرحون ان السالفه مو جذي
للعلم فقط ان من اكبر المصروفات و تحت بند النثريات مخصصة للعلاقات العامة بكل وزارة او مؤسسة

لذا ما عندنا الا يا حكومتنا المجمده الا التاريخ و سنستعين بالتاريخ
في هالبيرتون
المصفاة الرابعة
و امور اخرى كي نحكم بعدم شفافيتكم و تخبطكم

 
نسيت اقول ان الاخ العزيز وثيو والثي
احبه حب مو طبيعي
خصوصا انه عضو في المجلس الاستشاري الدولي لمؤسسة البترول الكويتية
و ايضاً
المستشار الاول للرئيس التنفيذي لشركة - داو كيمكال

الموضوع من امه و خالته و عمته يبيله شفافية و توضيح
لأن الريحة بالقطاع النفطي فاحت بقوة و حيل حيل

و بما ان الشيئ بالشيئ يذكر
اتمنى ان تاخذ الحكومة بتوصية البنك الدولي و التوصيات اللي صارت بأجتماع الرياض
بخصوص الكساد القادم على العالم

كل ما عليكم دشوا و كتبوا
داو كيمكال عند الاخ جوجل

بالمناسبة عجبني تصريح بو أنس الخاص بداو كيمكال و الموجة الى حدس
على ما اظن ان حدس امامهم فرصة عظيمة
جت لهم على طبق من ذهب
بس هم بعد ما تغفر لهم

جمال العمر ما عنده فلوس يدفع ألف دينار
لوقف النفاذ بعد الحكم اللي صدر عليه
اشرايكم قطية

مبروووووووك
فلووووووووووها





إرسال تعليق