هزلت و ربي هزلت
ابوعيدة تخلى عن كضيتوا و اللي احد اسسها عدم قبول التوطين
و اخذ الجنسية الكويتية
و هسه بدوش الدستور الكويتي اللي أصبح بموجبه كويتي
و تحولت لديه المفردات
من
بدناش الى ما نبي
تدرون شنو ما يبي ما يبي الدستور
بس الشرهه مو عليه
الشرهه علينا احنا يا كويتيين و طبعا اهو ويانا حالياً
بس ما يصوت
اذا كررنا نبي الحل و الحل و الحل
هناك خلل و خلل واضح
اللي بالمجلس حاليا هو نتاج الشعب
يعني ما جاءوا من القمر
اللي قاعد يصير استفزاز من الحكومة الى الاعضاء
و العكس صحيح كذلك ايضا
اذا وين الحل الحل بأيدنا
لو كل خمس دواوين اتفقت مع بعضها و راحوا كلموا العضو
و قالو له احنا طلعناك باول مره و ثاني مره
لكن عندنا اولويات
الحكومة ليست ملاك وووو نعلم هالشي
لكن لا تخضعون الى استفزازاتها المتخبطة
لازم تنسيق
خلونا هالمره احنا كا شعب نتفق على اولوياتنا اللي نبيها
لو ثلثين المجلس اتفق على اولويه محدده
من الشعب
الحكومة اهني راح تكون بخانة اليك
و خلها اهي تقول ما في تعاون
و ينحل المجلس
و اهني عاد الوجهه للوجه ابيض
راح يعيد الشعب نفس الاعضاء الى المجلس
لنهم طالبوا بأولويات الشعب و الدولة
و يبيين عدم التعاون من منو
عجبني تصريح مجلس الوزراء الاخير امس
اللي اشتقوا اول مقطع منه من كلمات صاحب السمو أمير البلاد
لن نسمح لكائن من كان و تحت اي سبب المساس بو حدتنا الوطنية
ياريت يا حكومتنا مثل ما اشتقيتي هالجزء تكملين تطبيق باقي النطق السامي و تعملين فيه
بالأخير و خلنا نكون واقعيين و حقانيين
جربنا المجلس على نظام الـ25 و الـ5 دوائر
و طلب منا صاحب السمو كاشعب اختيار ممثلينا مره اخرى
و طلع نفس النهج
أذاً بو صباح الله لايهينك كفيت و وفيت و لاحظت ان في اغلبية تضع على كاهلك
جزئية عدم التعاون
و التاريخ يشهد بذلك من تحويل الدوائر الخمس الى المحكمة الدستورية الى و الى و الى
صج نسيت
اش ماله الـ17 طايره اللي طالبينها و الكويتية اللي اهي مؤسسة حكومية ما عندها كثر اللي طالبينه لمجلسكم الموقر
17
عــاد
شنو طيارة لكل وزير
كلهم بيسافرون بنفس الوقت والا ما يحبون يركبون مع بعض
لك الله يا بلد
ابوعيدة تخلى عن كضيتوا و اللي احد اسسها عدم قبول التوطين
و اخذ الجنسية الكويتية
و هسه بدوش الدستور الكويتي اللي أصبح بموجبه كويتي
و تحولت لديه المفردات
من
بدناش الى ما نبي
تدرون شنو ما يبي ما يبي الدستور
بس الشرهه مو عليه
الشرهه علينا احنا يا كويتيين و طبعا اهو ويانا حالياً
بس ما يصوت
اذا كررنا نبي الحل و الحل و الحل
هناك خلل و خلل واضح
اللي بالمجلس حاليا هو نتاج الشعب
يعني ما جاءوا من القمر
اللي قاعد يصير استفزاز من الحكومة الى الاعضاء
و العكس صحيح كذلك ايضا
اذا وين الحل الحل بأيدنا
لو كل خمس دواوين اتفقت مع بعضها و راحوا كلموا العضو
و قالو له احنا طلعناك باول مره و ثاني مره
لكن عندنا اولويات
الحكومة ليست ملاك وووو نعلم هالشي
لكن لا تخضعون الى استفزازاتها المتخبطة
لازم تنسيق
خلونا هالمره احنا كا شعب نتفق على اولوياتنا اللي نبيها
لو ثلثين المجلس اتفق على اولويه محدده
من الشعب
الحكومة اهني راح تكون بخانة اليك
و خلها اهي تقول ما في تعاون
و ينحل المجلس
و اهني عاد الوجهه للوجه ابيض
راح يعيد الشعب نفس الاعضاء الى المجلس
لنهم طالبوا بأولويات الشعب و الدولة
و يبيين عدم التعاون من منو
عجبني تصريح مجلس الوزراء الاخير امس
اللي اشتقوا اول مقطع منه من كلمات صاحب السمو أمير البلاد
لن نسمح لكائن من كان و تحت اي سبب المساس بو حدتنا الوطنية
ياريت يا حكومتنا مثل ما اشتقيتي هالجزء تكملين تطبيق باقي النطق السامي و تعملين فيه
بالأخير و خلنا نكون واقعيين و حقانيين
جربنا المجلس على نظام الـ25 و الـ5 دوائر
و طلب منا صاحب السمو كاشعب اختيار ممثلينا مره اخرى
و طلع نفس النهج
أذاً بو صباح الله لايهينك كفيت و وفيت و لاحظت ان في اغلبية تضع على كاهلك
جزئية عدم التعاون
و التاريخ يشهد بذلك من تحويل الدوائر الخمس الى المحكمة الدستورية الى و الى و الى
صج نسيت
اش ماله الـ17 طايره اللي طالبينها و الكويتية اللي اهي مؤسسة حكومية ما عندها كثر اللي طالبينه لمجلسكم الموقر
17
عــاد
شنو طيارة لكل وزير
كلهم بيسافرون بنفس الوقت والا ما يحبون يركبون مع بعض
لك الله يا بلد
هناك 31 تعليقًا:
يالله روحوا لهم
حاجوهم
جود الله و رحمته أتعقلونهم
أنا مليت منهم و من سوالفهم
أنتو يا شباب عابلوا فيهم
هل يوجد من يتفق على الاولويات ؟
وماذا عن الاعضاء الضامنين تصويت ناخبيهم ايا كانت مواقفهم
اعضاء القبيلة
والطائفة
والكتل
من بقى بعد ؟
كنا نقول الشق عود
الحين مو شايفين الشق من كبره
والله المستعان
انا عجبتني كلمتك الاخيرة .. لك الله يابلد ..
ومثل مايقولون .. اليوم اسوء من امس .. والله يستر من باجر ..
احباط
عمو
تصريح مجلس الوزراء ماخوذ خيره
شرايك نجرب سنتين عجاف ونشوف
وبخصوص اولويات النواب ماني معلق اخاف يطق لك عرج وابتلش فيك
مو تنسى الدوانيه اليوم ياحظي
هههههههههههه خوش صورة
بوست عجيب
احلى شي بالموضوع هو ان الموضوع
برعاية رئيس اللجنة التشريعيه بمجلس الامة
وابشرك اليوم اكتشفنا ان رئيس اللجنة التشريعية خبير دستوري ايضا
وافتى ان استجواب الطبطبائي غير دستوري
ما علينا
اعتقد ان احنا لازم نتحرك بايجابية
لازم نحدد احنا شنبي وشلون نوصل للي نبي
منو اللي راح يساعدنا ونسحبه
ومنو اللي راح يعيقنا ونوخر عنه
البلد محتاجه تحرك للامام
البلد محتاجة لسواعد تنتشلها من اللي اهي فيه
انا عجبتني كلمتك بان مجلس الامة هو بالنهاية صنع ايادينا
احنا اللي خلينا مجلس بالشكل السيء هذا
واحنا بايدنا نقدر نعدله
انتهى وقت الكتابه واتى وقت النزول للشارع
لابد من وقفه
اي والله هزلت هزلت هزلت
اذا بوعيده والذي لا يحق له التصويت يطالب بحل المجلس هزلت هزلت
اذا بوعيده يتكلم عن فيصل المسلم واحمد المليفي هزلت هزلت هزلت
بس وضحت الصورة يبا
فجر السعيد تبي الحل لشي واحد بس
عشان ترد الحملة الانتخابية وترد تاخذ على كل مرشح 2000 دينار مقابل مقابلة ساعة واعلان لمدة اسبوع وعليك الحساب
بوعيده يا جماعة مراسل فجر السعيد
عند المؤسسات الحكومية وسألو اي مكان راجع فيه بوعيده
تلاقونه يايب معاملات لعيال السعيد
فصبيهم واكرر شتقوله فجر بذنه
يبغبغ
صوتك ما وصلش يا زلمه.
هزلت لان الرويبضاء قاموا يفتون بكل شي واصبح لهم قناة والمضحك المبكي ان من كان في يوم من الأيام عضو مجلس امه قام يبمبع في برنامج خاص محتج على الأوضاع ولاعاجبه !! يا حليله ما الوضع ماوصل الى ما وصل اليه من تردي الا من دخل المجلس هو واشكاله
فعلا المجلس هو نتاج اختياراتنا
والتغيير لا يٌستجلب بل يفرض
واغلب اعضاء مجلس الأمة والحكومة ما تمادوا الا من خمالنا
يالله همتكم شباب خلهم يعرفون ان في شباب واعي وصاحي لهم ولا يرضى بهالخمال
هناك شي يحااااااااااك
والله اعلم
اما الصورة عجيبة
لو كل خمس دواوين اتفقت مع بعضها
وراحوا كلموا العضو
وقالو له احنا طلعناك باول مره
وثاني مره
لكن عندنا اولويات
~~~~~~~~~~~~~~~~~~~~~~~~~~~~~~~
سؤالي يا بو وليد يقول؟
تعتقد الشعب هم من يسير النائب اللي يمثلهم ولا العكس؟
ما تشوف الاوادم شيقول النائب وراه وراه الا من رحم ربي
اللي يقول حلايا ويوههم فيهم كاريزما تخلي الشعب ما يقاوم ويصوت وهو مغمض
ما عندنا ربع اوباما وكاريزمته
انت قلتها
احنا طلعناك اول مره وثاني مره
لوووووول
يعني تبون عاشر مره عشان تعرفون مايته؟
اتمنى اللي تقوله يصير .. عسى بس
وترد سماج زرقه يا كويت
خارج التغطية
بو وليد
ما قالوا شنو ماركة الطيارات؟
:p~~
شو يا زلمة
اغنحلش ولا ما انحلش
مهيش فارقة ازا كان دشتور و بكرة في انتخابات
يا خوفي يا زلمة يسمعوا كلام النص زلمة ابو عيده ويكون حلش مهوش دستوري
شو راح نعمل
سلامات
صح لسانك يبيلنا نعرف اولوياتنا
يبيلنا نجدد دماء المجلس ونعطي فرصة لغيرهم عل وعسى
يكون بايدهم التغيير للافضل
خل عنك سالفة ال ١٧ طيارة
شوف اللي عنده ٣٦ سكرتير
والثاني بو ٢٥ سكرتير
هذول بالله شتقول لهم؟
لك الله يا بلد .. صدقت
البوست هذا ..طلع تحريضي
يقولون انطق:)
..
المصيبه ان هالقناه
عليها اقبال
نتاج الشعب
مربط الفرس
متى راح يعي الشعب إن التغيير بيده؟
وهل راح يعمل على التغيير؟
صوتك وصل حبيبي صوتك وصل
بس اغسل ايدك احد يسمعه
انا اقول دام ربعنا انتاج واسباب الفرعيات موجودين
ماراح نشوف خير :)
يازلمة بدنا نعيش
منتاش شايف الجناسي بيسحبوها
--------------------
بووليد حكومتنا ماتبي التهئة ليش ماأدري
واللي أشوفه إن لهم قوة بين النواب يقدرون يوازنون الأمور اذا كان فعلا في نواب تأزيم
ومومعقولة نائبين أو ثلاثة يقومون البلد ويقعدونها
وسط غياب عبيط من الحكومة
يبون يثبتون ان المجلس سبب الأزمات والصحيح أنه بحل المجلس ستزيد الأزمات
17 طياره !!!
لاتعليق صراحه بس أطمنك وأقولك صوتك ما وصل ;p
شومالو هاض الزلمة شو قايل
يا بيي مابرد وجهو
للاسف الكويت تعاني من داء عضال لكن للبيت رب يحميه
لا يطوفك الجويهل بسكوب
والله الله يستر عالكويت !!
اشوف ولدي هاللي توه حتى ما كمل الشهر و اتحسر على مستقبله !!
والله الكويت من حال سيء الى اسوأ
اما ال17 طيارة هذي يديدة علي !!
يمكن يتفاءل بهالرقم !!!!
العزيز أبا الوليد
المشكلة في الاعلام الموجه..وقناة سكوب عود من ظهر حزمة
وهذه الحزمة تحاول جاهدة تهيئة الوضع نفسيا واجتماعيا وسياسيا لتقبل الحل الغير دستوري
والفقرة الاخيرة من موضوعك تشخص الحالة وتلامس العلة
ولكن
هل من عاقل يقرأ الاحداث قراءة متأنية
أم ان المكابرة والهيبة أم من مسيرة وطن!؟
مايحدث في الكويت شيء لايحتمله عقل..بل جنون يفضي الى التهلكة!؟
والله المستعان
مع وافر الاماني الطيبة
انا غاسله ايدي بديتول الصراحة
Kuwait where 2 ? :(
افف هل بوعيده شنو ما اواطنه
زين سوى فيه شهاب حاجيه
لوووووووووووول
واي هـذا ليش تغثون نفسكم و مجابلينه
الحين شراله قناه خاصه فيه مادري شبيسوي بعد !!
المشكله ان الشعب تشوفه متفق علي اولويات ؟؟
شي يفشل
ناس كل همها القروض تطيح
ناس تقولك خل السياسه لاهلها
ناس تبي واسطه تمشي لها شغلها و خلاص ما نبي شي
حريم مالهم بالطين و لا العيين
قله من همهم الكويت الحين و بس
و الا والله لو نصنا حط جدام عينه الكويت و بس الكويت جان هال ٥٠ عضو يمكن ما طلع منهم ٥ !
الدويلة اللي بالصورة والا بو عيدة
!
تكفه
موضوع وصور
وفتح ملف
للبرفسور
العلامة ناصر دويلة
وسيبويه الكويت
حسين القلاف
انا اضم صوتي لصوت اندلسي
ناصر الدويلة
صار اكبر فداوي ..
طلع بالمؤتمر وجنه قال بأبي انت وامي يا رئيس الوزراء
الشيخ ناصر لن يصعد المنصه
واللي مو عاجبه يشرب مرق !
انا بدنا الدستور لان ( دستورنا خطنا الأحمر ) الدعوة في مدونتي سيسعدني مرورك وتأييدك .
بصراحه أعجبني جداً موضوع قناة سكوب وقد قمت بعرض الموضوع بطريقه رائعه جداًً جداً . . . أنا مدري هالقناه منين طلعت لنا وماتدري شتبي وفجأه قلبت قناه حواريه فقط متخصصه في مجلس الأمه مو خلاص بعد آل السعيد الكرام مالهم أمل في المجلس من أول وهالحين لايحلمون حلم في المجلس مولو يقط عقاله المره هاذي لويقط كل شي . . خلاص ردوا على مسلسلاتكم الماصخه والمايعه
إرسال تعليق