12‏/11‏/2008

حصريا: شريط شعبان عبدالرحيم الجديد

رحنا امس
يوم الدستور اللي سووه صوت الكويت
قبل هذا كلنا يعلم ان الدستور له وقاره وهيبته
و مكانه خاصة عند اهل الكويت بكل اطيافهم
يعني حدث نفس هذا
يجب ان يكون على وزنه
للأسف تلش اي نعم تلش
اولا الجهة المنظمة للحدث كان واجب قبلها ان تعلن عن برنامج هذا اليوم
ثانيا عندما نتكلم عن الدستور فالله الحمد مازال رجال هناك عاصروا هذه الحقبة او لحقوا على نهايتها و بما ان الدستور يخص كل الكويتيين
كنت اتمنى ان ارى عدة تيارات على الاقل
ما راح اكثر بالموضوع و تفاصيله خصوصا ان الاخوان

كاراكوتا
صوت الكويت الظاهر مبحوح
و
مقهور
الشرهة علي انا
قالوا بعض ما كنت بقوله
و راح اتطرق للموضوع بالتفصيل بالبوست القادم

بس شيئ يضحك فعلا
اذا كان المنظمين اكثر من الجمهور
كل ما تشوف واحد شاد حيله يعني منظم
لا و البعض معلق هوية برقبته كاتب عليها
النظام
شكو داشين مدرسة

اي
واحد من الربع باين عليه طايح طيح جايده
بس هم راسه يابس
دز لي هالمسج اللي عجبني و سويته حق شعبوله



هلت علينا براكات شعبوله و صكوا البورصة

هناك 25 تعليقًا:

7amee elDyar يقول...

ما سوت عليك رايح وفيك دسك


جان مريح احسن لك


الدستور بقلوبنا

وبحياتنا


وبطريقة عملنا وتفكيرنا


المهرجان بالنهاية مجرد شكليات

يـا سْـديـرَه يقول...

والله اخيي يمكن الشباب تنظيم يديد فحماسهم كان اكثر من جهدهم المبذول
وبالنسبة للمشاركين يمكن القليل من اللي لهم اهتمام قبلوا دعوتهم .. وبالنسبة للحضور اعتقد لو القائمين على التجمع مختارين صالة والا فندق يتراوالي التفاعل بيكون اكثر من اللي شفته لأن المكان كلش ما يساعد

اهم شي وآنا بطلعتي من الدوام على السبع قلت خليني امر دامني يم المجلس والا اشوف بس دوريتين واشوية ناس من جهة البحر قلت هووو وين الناس ؟؟
وصراحة ماطرى علي كلش انزل واشارك قلت يازيني وانا مرتزة وسط الرياييل !! بعد هذا اللي ناقص ياسديره
:)

على كلن الدستور لا يتطلب منا الحضور كثر ما يتطلب منا العمل الدؤوب على حمايته والعمل به

وبالنهاية شكرا لصوت الكويت على الأقل يمكن احد من جيل الشباب عرف شي من الدستور من خلالهم !! ماتدري

يـا سْـديـرَه يقول...

نسيت
:)
عندي زياده على معلقتي المذكورة اعلاه
:)

الصورة تعبير حقيقي عن مدى قبح واقعنا الإقتصادي ربطته باختيارك للفلته الخطير شعبولا الأوووله
شرايك فيني وآنا احجي بطريقة قناة الجزيرة
:)
تحليل اي شي

اهم شي كثر من هالصور

ملاحـظـة يقول...

بلاش فزلكه و شطارة
و اقبل بنص خسارة
لحسن تلاقي نفسك
عايش ذل و مرارة
و أيييييييييييييه


:)

nanonano يقول...

أنا باعرف شي واحد اللي بيسوي أحتفاليه من هالنوع..المفروض يحاول و يجتهد أن يسوي شي على مستوى..و يمكن أنا لأني كنت عارفه القائمين على مجموعة صوت الكويت و عارفه قدراتهم أنهم ممكن يبدعون وايد أكثر من جذي..وايد أحبطت

THE BOSS يقول...

يا بو وليد
خوفك حتى الحمارة وانتم بكرامه ما تحصل
خوفك الواحد يطلع ملط

عاد اذا الواحد طلع ملط
اوووه عد و خربط من هل المطربات اللي يبون يغنونها وتحطها بوست

وعطني ولعه

Athoob Alshuaibi يقول...

اتصدق عاد

انا كنت متوقعة ردود الافعال هذي من الاحتفالية

بالله شعب مايعرف بالدستور
شلون تبيه يحتفل فيه

لو مطرب مكسيكي مسوي حفلة بالكويت
اركضو له حتى لو مايفتهمون شيقول شمايقول


و التنظيم ... شي طبيعي ان كل اختيار عشوائي له عواقب سلبية
عط الخبز لخباازه
في ناس تخصصهم تنظيم ... شغلهم جذي
مو انا الراعي و المنظم بنفس الوقت و يالله تعال يا فلان و انتي يا فلانة علقي بااج و صيري من اللجنة المنظمة وانت يا علان خلك بالاعلامية
وهو مايعرف بألف باء المهام هذي و بالاحرى مستسهلها
!
ممكن هالشي يكون ناجح على مستوى الانشطة الصغيرة .. وليست المهرجانات الجماهيرية الكبيرة

طيب ماعندك فلوس تيب شركة للتنظيم
خل يكون عندك فريق ثابت .. ييبله مدرب او مدرس يعلمه

. . . ساخر كويتي يقول...

خوش نسفة :)

Spur يقول...

لووووووول

فيك دسك!! ما تشوف شر يا الغالي

صلاح الأنصاري يقول...

تصدق بو وليد رحت
وصلت مع الاذان وصليت بالسيد اللي يم مجلس الامة
تالي رحت ساحة الإرادةو على الواقف ما قعدت
بصراحة تفاجأت بضعف الاعداد ليوم مثل هذا والكهربا كانت طافية ولما قريت برناج الاحتفالية اللي عطوني اياه الاخوات قررت امشي ومشيت عقب نص ساعه

ما عليه لاتظلمون الشباب والبنات اللي كان أغلبهم بعمر أولادنا ويمكن لأنهم أول مرة ينظمون مثل هذه التظاهره ويمكن شفنا الفرق لانه كنا نقارنها بتجمعات نبيها خمسة

المهم يوم لتذكير الناس بحقهم...بدستورهم
ان شاء الله السنة الياية الاحتفال يكون افضل

تعال انت فيك سكّر وديسك وبعدك ما وصلت الاربعين ؟! ترا كله من تحلطمك دير بالك على صحتك يالغالي
صج مو غشمرة دير بالك

kuwaitawy يقول...

بانتظار البوست القادم :)

ابوالوليد يقول...

بووليد

شعبان موكأنه طعن بنتائج الدائرة الرابعة وصار نائب؟؟!!!!!!


والله الشبه واضح :)

JiBLa CiTY يقول...

وهييييييييييييييييييييييه



هذي كل ماشوف تطور سلبي بهالبلد لازم نقولها

:)

وردد .. ياليل ماطولك

أندلسي يقول...

ودي في اجتماعات مثل هذي امسك المنظمين وسيلهم اختبار في مواد الدستور وبشوف جم واحد فيهم عارف شقاعد يتكلم عنه !!!

وانا كمان مش حبييييع
لو الكل يبييييع
مش حبييييع
لو اخسر الدنيا كلها
ونص راس مالي يضيييع
مش حبيييييع

يا فندم

وسيشهد يقول...

حضوركم شرفنا و سامحونا عالقصور و صراحة المشاكل اللي صارت أغلبها فنية و راح نتداركها بالأنشطة الياية و خصوصا "الصوت و الإضاءه" و اعذرونا على التنظيم شوي لأنه الغالبية متطوعين و خبرتهم بالعمل ضعيفه بس إن شاء الله يكونون اكتسبوا خبرة و تعلموا من الهفوات اللي صارت و خصوصا إنه شباب التجمع الكل منشغل بدوامه و دراسته و بالتنظيم و احنا سعينا باللي نقدر عليه و الحمدلله على كل حال و بخصوص الدعاية و الاعلان عن النشاط للأسف الكل كان رافض يحط الاعلانات ملوتنا لأنه حسب كلامهم إنها شغله سياسية و خايفين يعطونا تصريح فيها بس حضوركم كان وسام على صدورنا و بالنسبة للوقت احنا حاولنا نحط اقرب وقت يناسب الناس لأنه يوم الثلاثاء يعني دوام و قدرنا طلعت الناس من دواماتهم و يريحون شوي و يردون و خفنا انه البرنامج يتأخر و خصوصا انه الناس ما يقدرون يتأخرون بس إن شاء الله راح نقدر نعدل هالشغلات بالانشطة القادمة

و تظل هذي محاولة و جهود شبابية خالصة
و أن تشعل شمعة خيرا من أن تلعن الظلام

Unknown يقول...

يعني تعابل بظهرك
وحالتك حالة

بس باسك قوي ماكو فايدة

Q8iya يقول...

و احنا اللي نستاهل الخساره
لانا استثمرنا في بورصه زباله

Funny Q8i يقول...

اؤول لو تبيع بخساره

وتلحأ على الفاضل

أبل ما يخرب حده

وتفلس من الي حاصل

انا نفسي اؤلها كلمه

بس لحظه وحده اسمعني

سيبك من التقاره

واديييها دعم عماله

اييييييييه ايييييييه

Tوتحيّا

ولد الديرة يقول...

شعبان من اي قبيلة؟

فريج سعود يقول...

كسرتوا مجاديفهم

بعض الانتقادات صحيحة وبالصميم ولازم ينتبهون لها

والاهم ان يمثل صوت الكويت الكل

Yang يقول...

السؤال:
هل يستحق يوم الدستور انه تحتفل فيه؟

ان كان الجواب بلا:
فعليه العوض ومنه العوض.

وان كان نعم:
ليش مانحط ايدنا بايد بعض ونرتقي بالمهرجان الياي؟ ليش دائما انتقاداتنا جارحة وتؤيس؟؟؟؟
ليش ماكو تشجيع؟؟
ليش ماكو انتقاد بناء؟؟
ليش ماكو تعاون؟؟
وليش وليش وليش؟؟؟

للاسف احنا قاعدين نرجع جري, وكله بسبب الاحباط, وكل واحد ينحبط يحط حرته بالثاني.

Kuwait يقول...

@@
اي والله شريط شعبان عبدالرحيم سوى شغل :\
ممكن نقدم له طلب إن يغني عن الحكومه والمجلس ؟؟؟
:P

الحارث بن همّام يقول...

اتوقع الدستور له مكانة كبيرة عندنا .. بس كلش ماله داعي نسويله مهرجان واحتفالية!

شنو ؟ happy birthday

عتقد الدستور ارقى من جذي

enter-q8 يقول...

7amee elDyar
*-*-*-*
بعد يا خوي و الله رايح دعم
بس ما توقعت جذي التنظيم لهالمناسبة الكبيرة

يا سْديرَه
*-*-*-*
يا وخيتي ماخاب من شاور
و هم بعد لا تنسين ان اغلبهم طلبة جامعه اذا افترضنا ان هناك ليس دعم
فاذا جذي تنظيمهم فالامور سهالات ان شاء الله


ملاحـظـة
*-*-*-*
و ايييييييييييه


nanonano
*-*-*-*
هذا اللي قاعد اقوله
التنظيم ما يرتقي الى مستوى الحدث
كان يمكن يكون اكثر فعالية حتى لو ببساطه بعد


THE BOSS
*-*-*-*
الحمدلله مالي شغل بالسوق مريت اشوفك
على قولة المغني العراقي ما ادري شنو نعمة


athoob
*-*-*-*
تصدقين و الله بس هم ترى المفروض يعلنون اكثر و يجتهدون اكثر


. . . ساخر كويتي
*-*-*-*-*-*
يقولك تشتريها مع العقال جذي


Spur
*-*-*
شر ما يجيك يالغالية


صلاح الأنصاري
*-*-*-*-*
بو صلوح
عمي اذا شباب ثق و أمن اني كنت بشجعهم و هم حضوري كافي و الا ماله داعي اروح اصلا اذا ما كانت نيتي التشجيع
لكن قسما بالله اشكثر مشتطين هناك لو تشوفهم تقول اهم اللي مسوين الاحتفال
و ها كبار مو صغار


kuwaitawy
*-*-*-*-*-*
بأنتظار الحل اللحين الامور وايد تتسارع

enter-q8 يقول...

ابوالوليد
*-*-*-*
تبي الصج ترى اهو اللي مركب عليه صورة شعبان
هههههههه
صدتها ما شاء الله عليك


JiBLa CiTY
*-*-*-*
اجل بتردد
هيييييييييه و ايد


أندلسي
*-*-*-*
و الله يا اندلسي
هذي انا واثق منها
ترى نصهم بيضيعون
اذا مو ثلاث ارباعهم


Alsager
*-*-*-*
الصقر المشكله فيه شي اسمه استشاره تقدر تستشير الناس و اللي حواليك
تقدر تاخذ اراء كثيرة قبل ما تقوم بعمل
ما و خصوصا انك قاعد تشتغل لشي كبير
قد يؤثر عليك سلبا بعدين
حتى في نوعية اختيار الضيوف للأسف غير موفقه يعني ما فكم الا المطيري و اليوسفي
مع ان ما قال احمد عجب

Mishari
*-*-*-*
قول ما شاء الله ياخي


Q8iya
*-*-*
مره ثانية رددي معاي ابعد عن الشر و غنيلوه


Funny Q8i
*-*-*-*-*
ترى لازم تتعاون مع شعبوله تالف له كلمات


ولد الديرة
*-*-*-*-*-
تهقي لو تسأل شعبان هالسؤال شنو بيرد عليك



فريج سعود
*-*-*-*-*
هذا اللي قاعد اقوله يا شريف روما
للأسف الاحتفال ما يرتقي الى مستوى الحدث
و خصوصا اذا حدث كبير



Yang
*-*-*
ليش ماكو سؤال
ليش ماكو استشارة
ليش ما يتعاونون مع غيرهم و يشوفون الامر بمنظور ثاني
بالعكس انا اشوف انهم اذا اخذوا هالامور بعين مجردة راح يكون لهم دافع اكبر


Kuwait
*-*-*-*
بحاول اتصل فيه
مع اني اخر مره شفته كان لابس دشداشه وردية بمطار القاهرة لما سالته
كان يقولي عقبال عندك انا رايح الحج


الحارث بن همّام
*-*-*-*-*-*-*
يمكن لو كان مهرجان اكبر كمتحدثين فيه من اوائل اللي اسسوا الدستور او عاصروا هالفترة او استدعوا اللي بالمجلس التأسيسي
يكون كحدث له فعالية