جبرنا الزمن وحدنا على زين مره ثانية
بعد ما وزارة الموصلات تتكرم علينا و تعدل كيبل خط البيت
علشان يستحمل قوة الانترنت على قولتهم اهم و كوالتي
انجبرنا على الايجو
و طبعا كواحد متعود على السرعة العالية خذيت اشتراك 7.2 على قولتهم السوبر
اللي عنده الايجو يدري ان كله تلش
و خدمات 107 كل واحد براي و اخر ما يمل يقول يسجلك شكوي
يوبا الشكوى لغير الله مذله
حار و نار بجتتكم يا زين الاشتراك الشهري
الوطنية الجهاز خالص من عندهم يعني مالك الا شين و خدماتها التعيسه
انا ابي الكذاب صاحب مقولة عالم جميل منو هذا
يا جماعة شفتم الدعاية مالت الحريم خلاص ما في افكار حق التسويق
اهو صج حق الشماته ماكو احلى منه
لكن هم الموبايل
عفوا المرأه اهي زوجتي و اختي و أمي
يعني هم عيب مو لهالدرجه ابتذال بتشبهيها بموبايل
خلاص ما عندكم ابتكار
هناك 39 تعليقًا:
العزيز بو وليد
انا فعلا متضايقة من الدعاية الفاشلة اللي فيها العيوز..شنو هذا ..وين الابداع والتطوير!!!
اما من ناحية الانترنت انا ماجربت الايقو مالهم !! مااقدر احكم بس لاحظت اخونا مشاري يشتكي منهم بعد :)
بس ما إلك الا زين:)
وحق الشماتة يا سعد
ودمتم بخير وسلام مع زين
ابداعاتك عجيبه
لو يشوفون شمسوي باللوجو يموتون
هههههههههههههههه
الله يازين راوتر الوطنية
الله كريم بتتعدل انشاالله وساعتها عليك بفاست تلكو يا بني فانه اقوى شي
عن اذنك بوري ابداعك حق ربعي بالدوام
على قوة الحملة المضادة لهذي الدعاية البايخة
على عنادهم واستمرارهم عليها
بغض النظر اذا كانت عنصرية او لأ
بس كلها على بعضها دعاية غير ناجحة
عكس كم دعاية استهلوا فيها شهر رمضان وكان رد فعل الناس عليهم وايد حلو
بس ما يتعلمون من اخطائهم
مشكلتي معاهم انهم دايما دابلين سعر فاتورتي معدلها عادةً ما بين 13 الى 15 دينار بالشهر
والفترة الاخيرة صايرة الفاتورة رايحة على ال30 دينار
واذا اشتكيت لاحس ولا خبر
بانتظار الاتصالات الثالثة
وخدمة تحويل الرقم الى اي شركة ترغبها
وبتشوفنا شلون ماسكين طرف الدشداشة باطراف اسناننا منحاشين منهم هههههههه
تحياتي
كلها جم شهر ونقبل فيفا والسعودي أنفع !
ياخي هالشركه تفرعنت و استبدت و ما بقى إلا اللي يديرها يقول : انا ربكم
الاعلى - استغفر الله
و كل هذا بمباركة الصحافة اللي بايعه مصداقيتها لإعلانات شين
يعني الواحد ما يقدر يوضح حقيقة هالعنكبوت الاسود من خلال اي وسيلة اعلامية
ياليت عندنا مجله توعي المستهلك و تصير محايده و ما تبيع مؤخـ .. عشان شين
ننتظر فيفا ونشوف
يمكن يتسنعون
او علينا يتفقون
والله المستعان
والله خدمتهم نفس ويوووهم وانت شفت انا شصار فيني:(
والدعاية خوو الحريم سلعة في سوق نخاسة العولمة يا عزيزي يستخدمونها بهالطريقة وخلصنا
آخر سرقات زين
تحلطم على خدمات زين
زين وتطور النصب في السعودية
وهم بركات زين بالسعودية
زين وبيع الكلام
زين وزين وزين
ابي اعرف شي واحد .. وين العالم الجميل اللي يتكلمون عنه؟
شكله بس عالمهم
حتى عندنا بالبحرين خدمات زين كلش سيئة
والكل يشتكي منها
بس بصراحة اكثر شي مسوينه وباط جبدي
انهم غيرووا من mtc hgn زين
يبا ما لقوا الا اسمي حتى الناس تكرهه
لووول عجيب الشعار :)
و بخصوص دعاية العيوز .. اي والله تغث حدها .. لهالدرجة استهزاء بالمرأة !!!
و بخصوص الانترنت .. انصحك فاستلكو :)
تذكر الدعاية إلي طلعت اول رمضان
الناس يعكسون على بعض نور المرايا
أول ما طلعت الكل مستغرب و مندمج .. شالسالفة ؟ شنو الموضوع ؟
و قالها الوالد , دامها دعاية مالها معنى .. فـ هذي دعاية زين
و يوم خلصت و إلا تطلع صج زين :)
بـ اختصار شركة غبية , فالحة بالبوق و شفط الرصيد .. غيره ما تستوعب !!
لكن إن بغوا يصيرون أوادم .. يقدرون
و شوفوهم بالسعودية شنو عروضهم !!!
الله يلعن الحاجة !
و الله يعينك عالـ إيغو
!!
الناس كلهم عارفين انهم حرامية بس لايزال التعامل معاهم قائم
وموبس هم حتى KDD
اسعارهم بالسعودية أرخص
بس محد قاطعهم احتجاجا
لالاحول ولا قوة الا بالله
بالنسبة لي انا
ناطر فيفا تنزل بالسوق
وراح اقاطع شين عفوا زين والوطنية
غير فاست تليكو لاتجدد .. شركه قمه وروعه تبارك الله لاتفصل ولاتهنق ولا تستعبط واسعارها حلوه بس مشكلتها ماعندها متنقل دي اس ال لكن مو طبيعي عساها ادوم ماتنين مثل شين وجماعتها
أنا انطر السعوديه وبغير رقمي لوعت جبدي شين بواقين بشكل مو طبيعي ونايمه نوووم خدماتها سيئه وبويه شعرضه خل تأكل عليهم الجو الثالثه إن شاء الله ويتسنعون مو بفلوسنا صارت ثالث شركه على مستوى العالم يخرب بيت البوق بسنينه
وتبارك الله خووووش تصاميم شكلهم بيقولون للغنيم أول مايبلش بالمراقبه يهنقون مدونتك من غير شر قاطع عنهم الماي والكهرباء بس ناس ماتستحي زين تسوي فيهم زين معناتها زين مالتنا مو زين اقصد فيها شركة شين
انا استخدم الايقو
وقبل يومين بالضبط
موراضي يشبك معاي
وكنت أبيه ضروري
اتصل عليهم
يقول لي الأخ
في ضغط بالشبكه
ودقيت بعدها بساعة تقريباً
رد الثاني
في تعديل بالشبكه
نعتذر
!!
اهوا تعديل ولا ضغط مادري
بس مثل ما قلت
حتى الآن ماكو بديل
والمشكله لي ييت تبي تقطع الايقو لازم تكون ماره سنه على اخذ الجهاز والاشتراك
والا تدفع لهم مبلغ
بس مااذكر جم
:)
الله يعين
على أن مستوى إعلاناتهم يعجبني
إلا ان الدعاية الأخيرة للأسف صارت عليهم مو معاهم
بعيدا عن المقثة
القادم أجمل إن شاء الله
وينكسر راس النصابين
يا كثر ما يجبرنا الوقت
اوقفت على زين ما عاد فيه شئ زين
حبيت زين
لانها طلعت مواهبك عدل
صج صج فنان
ماشاء الله
ترى باخذهم حق اهلي بشوف ردة فعلهم
ثانكس ثانكس
:)
اليوم شفت دعاية بين الشوطين لمباراة مانشستر وبلاك بيرن على الاي ار تي
ل union properties
موسيقتها هي نفسها موسيقة زين
اتوقع 50% من ارباحهم من الكويت بس و 50% من باجي الدول
لا بارك الله فيهم انا ما استخدم التلفون كلش واذا استخدمته ما اطول لاني من ييت من السفر وانا كل يوم عند اهلي يعني شلون 29 علي بافهم؟؟
بانطر فيفا اذا كانت ابرك باقطع خطي واحول عليهم واذا مو ابرك بارجع حق تلفون البيت وايد ابرك
أولا كل عام و انت بخير
ثانيا يقال كما تكونوا يولى عليكم @@
و زين لاقينا ناس ما ننقاش لما نجي ندفع فلوس !!
بس هذا هو السبب
اما بالنسبه للاعلانات السخيفه اللي تستخدم المرأه بطريقه مافيها احترام فنفس الشي ما حصلوا احد يقولهم لا ما يرضينا الكل يضحك و ساكت
اتوقع نصف المجتمع عاجبه الحال في الدعايه و النصف الآخر معطل ما يفكر
السلام عليكم
لما اتشوف الشركة ما عندها ابداع في الاعلان , اعرف ان الشركة الثالثة امسوية لها لوووية وارباك مو طبيعي لها
مالك الا الصبر ياخوي
وعلى طاري السرعة تره مو صحيحة 7.2 لاتنسى عدد اليوزر اللي يتشاركون معاك في الشبكة اللي بالمنطقة او المنطقة اللي يمك
الحرة مو زينة
:)
اي زين فيهم
حدد لو سمحت
:p
ومثل ما يقول المثل مالك الا خشمك لو كان عوي
شنسوي
يعين الله
LiL ALiEN:
عالم جميل اهوه عالم البونس مال سعد البراك و جوقته من المطبلين لظله الوارف و الناهبين للشعب المسكين
-------------
بو وليد
ترى لا تتغر بـ 7.2 ميجا لأنها مجرد سرعه مثاليه نظريه - يعني طالعه معاهم بمختبر - اما في الواقع فأن حصلت سرعة دايل آب زين
LOL I like what you did to their logo
but come on the ads got this twisted comedy to them! dont take it seriously, they were funny!
واااااااااااي
محتره محترررررررررررررره
قطعوا خطي الي قو تخيـــــــــــــــل!!!؟
تخيل أنا دافعتلهم شهريـــــــن مقدم يقولون لي ما وصلنا شي
شوف السالفه قلتها حق مشاري و بحطها هني بعد
أنا الاي قو من نص رمضان و هو مادري شسالفته
ادق عليهم يقولون لي من متى؟ اقولهم و الله جم يوم (لاحظ اني صبرت عليهم يومين جود يتسنعون) قالولي سوي جذي طفي الجهاز و جربيه على جهاز ثاني
مــــــــــاكو فايده
اخرتها قالولي بنقدم شكوى للدعم الفني و يدقون عليج عقب 4 ايام
!!!!!!!!!
نطرنا 4 ايام ما دقوا!! شلت شلايلي و وديت لابتوبي بكبره لهم
و لما شغلته عندهم اشتغل!!!!!! هااااااو
تقولي اي كان فيه مشكله و صلحناها
انزين انا لما دقيت ما قالولي ان فيه مشكله.. سألتهم شنو سالفه الاي قو؟؟ قالولي سلامتج ما فيه شي
!!!!!!!!
اقولك سالفه ثانية؟؟
دفعت حق الاي قو بالانترنت و لأن كان خربان و ما يشتغل ما طلعتلي صفحة الفاتوره اني دفعت بس البنك دزلي مسج ان انخصم من حسابي
طبعت كشف الحساب و كتبت شكوى و ليلحين ما دقوا علي و و يدزون لي مسجات دفعي الفاتوره اللي عليج و لا نقطع الخط
!!!!!!!!
الصورة الأولى ابداع
:)
والعالم الجميل اللي يقولون عنه هو لما تكون فلوس خلق الله بمخباك
العالم الجميل نسبي
:)
اتمنى التوفيق للشركة السعودية على حساب علي الخليفة والخرافي... قصدي ام تي سي... قصدي زين
شوف بو وليد
بعد لهم ويه يصرحون مع خدمات السلقلق مالتهم
http://www.alwasat.com.kw/Default.aspx?MgDid=80356&pageId=43
العــــمـــــر: «زيــــن» طـــــوّرت شبــــكـــتـــها فــــي جــميــــع مــــناطق الكــــويـــت
صكوا على مسيلمه الكذاب
لوووول شهالدعايات
ميه ميه
مالومك والله يبطون الجبد
واحنا بيتنا كله استعمال زين
شالسبب
ماكو تلفونات بالمنطقه يعني غصبن عليك تتعامل معاهم
والنت تبعني منهم بعد
شنسوي :)
انا من رديت من سفرتي وانا كارهه زين كره مو طبيعي
هناك شاريه تعبئة 400 فلس كويتي قعدوا معاي يومين سوالف ودولي بعد ماصدقت
والله اذكر راعي الكاشير اقوله عطني اكثر تعبئه استغرب مني قال ليش؟ انتي سائحه يعني حدج حدج تقريبا دينار كويتي قلت جم يقعد معاي قال اسبوعين
نعم؟
دينار واسبوعين؟
ياحلات الرخص
مو هني
100 دينار فواتير نص الشهر بعد
وخدمات طل
لووووووووووووووووول ..
زين عالم شين :P
احمدك يارب اذا انت النظام السوبر و صاير فيك جذي عيل انا اشوا منك انا نظامهم القديم هواوي بو تسع صار مشترك فيه من اول ما حطوه وكل شوي يا معلق يا فاصل علشان احط كومنت عندك حاولت 4 مرات
حيلك فيهم
وعطني ولعه
امشى على مقولة يود مينونك لا اييك اللي اين منه فالولاء التام و المطلق لبتلكو و بس :)
والله الايقو صراحة زين وموزين
واااايد غالي كاسر ظهري صراحة
بالنسبة لي كـ طالبة ولي الحين ما اشتغلت
بس الظليمة شينة آنا مستفيدة منه بالتحميل اقدر انزل شغلات وايد أحجامها
بالجيجا وترى هو مناطق معينة
يعني في بيتنا يشتغل تمام وفي بيت ثاني اخذته بطيئ يمكن الإرسال عندكم فيه شي
وبالنسبة للدعاية اهي بصراحة طريفة
وضحكتني لكن من باب العدل إنهم ينوعونها مره على المراة ومرة ع الريال بجذيه ماتكون المرأه سلعة
ههههههههههههه :)
أحلى إعلانات
أنا صار لي أكثر من سنة مكتوي بنارهم .. بس شنسوي .. تبي انترنت عالي السرعة عندهم .. لكن لا يخلو من المشاكل
عالم الجمبزة
:)
السلام عليكم ورحمة الله وبركاته
والله ياخوي ما قدرت أمسك نفسي وما أرد بعد ما قريت كلامك :(
قررت أنضم لك و "أفش خلئي" على قولتهم
شييييييييييييين
شين شين شين شين
إي والله شين
النت بالنسبة لي "داونلود" بصراحة
صديقتي بنفس منطقتي الايجو ماشي معاها تمام
لأنها تستخدمه للتصفح العادي مو للتحميل
وأنا أحمل ملفات كبيرة توصل 5 جيجا وأكثر
للأسف ما أقدر أتصرف بالإيجو اللي عندي إلا بعد مرور سنة لأني شاريته من شركة ثانية مع لابتوب والعقد ينص إني ما أبيعه أو أقطعه إلا بعد إنتهاء المدة
فكنت مضطرة أصبر عليه مع إن الديل أب أسرع منه بدون مبالغة :(
في 3 يناير 2009 كنت بالسوق
ومريت عند أحد فروع الوطنية
قلت بسألهم عن النت عندهم شلونه
أول شي قاله لي الموظف .... عطيني عنوانج عشان نشوف التغطية بمنطقتج
في حين إن "شين" يبيعون وبس بدون أي سؤال إلا : عندك خط معانا والا لأ ؟
المهم إن موظف الوطنية وراني التغطية حتى في بيتنا "وكانت فوق الممتازة" وقال لي اشتركي على ضمانتي
وصادف إن بنفس اليوم الوطنية مسوية عرض على حظي ولله الحمد
القطعة اللي بـ 60 دينار صارت ببلاش
كل اللي أدفعله هو الخط لمدة 6 شهور بحوالي 156 دينار
توكلت على الله وشريت الخط ورجعت البيت وجربته
@_@ فرررررق السما عن الأرض
الملف اللي أنزله بالايجو بساعتين ونص
قمت أنزله بنص ساعة وأقل
استاااااااااااانست وقلت خلاص بس يخلص عقد "شين" بقطعه وأبقى عالوطنية
صارلي شهر أستخدمه .. ويوم الخميس اللي فات :( عللللللقت الشبكة الغبية
قلت يمكن "شين" دروا باللي أفكر فيه وخربوا على الوطنية
أو إن "فيفي" مادري "فيفا" نوت تضرب السوق بجهازها اللي سألتهم عنه مرة وقالوا إنه بيكون أقوى حتى من الوطنية
من 7.2 إلى 14.4 بس مادري عن السعر
المهم إني مازلت مع معاناتي مع الوطنية .. من الخميس إلى اليوم الأحد
إتصلت عليهم ووصلوا شكوتي للدعم على قولتهم بس إلى الآن مافي حل للبطء الخيالي في التصفح
"فما بالكم بالتحميل!!! :( هيء هيء"
أوووووووووووف رحم الله والديك ياخوي
حسيت إني ارتحت لما طلعت اللي بجبدي
باقي شغلة على طاري الدعايات
المعروف عن الفنان عبدالكريم عبدالقادر إنه ما يغني وحواليه بنات
وأنا كنت رايحة النظائر قبل حوالي 9 سنين
وأحد مصوري كليبات بوخالد قال لي هالكلام بنفسه
سؤال يسدح نفسه ..... !!
شلون فروا مخه بدعايتهم الجديدة!!!!؟؟؟
"مافيه شي ياخذني من الزين"
آه يالأسمر
أنا بسوي لهم دعاية ببلاش .. ترى يستاهلون
"كل شي بياخذني من زين"
بودعك
وسامحوني عالإطالة
بس من حرقة فوادي :( :( :(
إرسال تعليق