03‏/10‏/2008

جميل قليل الحيا









ذكرت لأخوي شقران اني راح اكتب عن اللي صار معاي بالعيد من مواقف
لكن قبل لا ندخل بالمواقف اللي صارت بالعيد تتذكرون شنو طعم العيدية قبل وكم كنا ناخذ و اشكثر كنا نتحسف اول ما نلبس الغترة و العقال يعني خلاص صرنا رياييل و ما نشم ريحة الفلس الا من الوالد و من الوالده لأن خلاص صرنا رياييل
يا محفوظين السلامة
عندي ولد واحد من الربع قليل الحيا نفس ابوه يعني صج من شابه اباه فما ظلم
ابوه ملوسن و اهو طلع ملوسن اكثر من ابوه سلم علي و عيدك مبارك عمي
الله يبارك فيك
شخبارك اشلونك
تعال أخذ
لا مشكور
تعال اخذ بس
كان اعطيه خمس دنانير
الولد عمره 11 ما ادري 12 بهالمحاري تقريبا
اهني الصدمة
رد علي وقالي
وطنية و الا ايزي
و اهو يطالعني بنص عين
قلت له ليش الاخ بنغالي يبيع كروت بالدوام
صج انك مو كفو ردها اذا مو عاجبتك
و يطالعني بنص عين و يقول
ريال اكبر مني تبيني اردك

بذمتكم شنو هالجيل هذا

الا على طاري زين عالم جميل

خواتنا بنات حواء تضايقوا حيل من الدعاية مالتهم بخصوص خدمة الباك اب
الصراحة انا طفشت من زين وين ما تحول من قناة لقناة الا طالعين بويهك
أجل يا بنات اشلون لو تشوفون الدعاية الجديده مالتهم








بس يقولك الوطنية بتستغل الفرصة مالت اساءة زين لبنات حواء
و قامت و اكسرت بزين و بتنزل هالدعاية








ما علينا السؤال اللي يطرح نفسه
علشان ما اطيح بلسان الدعلة الملوسن ولد رفيجي

كم اعطيه و الا اغثه و اقعد اساله اشلون الدراسه و لازم تشد حيلك
ترى وظايف ماكو و 35.000 عاطل عن العمل للحين
و احتمال باكر حتى لسانك اللي يلوط اذونك ما يفيدك بمجال التمثيل ولا الاذاعة
لأن الناس ملت
و المجال الفني كله صار لفئة معينة
و ستار اكاديمي ما راح يفوزونك
حتى لو سافرت لهم و سجلت هناك
أحد يقدر عليه هالدعلة
رايكم يا كرام

برغم الاختلاف او التوجه مع التحالف الوطني الديموقراطي الا انني اعلن استيائي لما اصاب موقعهم
إرسال تعليق