صج و ماهي نحاسة أو حسد
لكن هل من المعقول
ان هالشركتين اسعار خدماتهم للدول اللي تمتلك حق التشغيل فيها أرخص من البلد الام
ليش
دقيقه تذكرت شيئ ضحكني
زيــن خدمة التجوال
لشبكتها بأفريقيا
ما تعتبر خدمة تجوال ويتنقل الافريقي بين الدول اللي فيها
شبكة زين بدون اي رسوم اضافية او تكون خدمة تجوال
اشلون
انا اقولك
لكن ببسطها
لكم
لأن زين
تعتبر الكويت قارة وتطبقها في قارة الكويت
يعني عادي
انك لما تطلع من دولة حولي الى دولة الجهراء تعتبر مو تجوال
فهمتوها
على قولة حليمة
يعني اللي في نيجيريا
يروح مدغشقر او زامبيا
مو قاعد ينحسب عليه تجوال
كأنه طالع من راس السالمية رايح راس بنيد القار
المهم
أسعار عالية
و خدمات ردية
و كلكم شفتم هالشي برمضان
يعني ما طاف اكثر من اسبوع
يعني انا طالع فيها
بدز حق الربع
رسالة وسائط أكشخ
محد وصله شي
دزيت من جهاز ثاني
هم ما وصل شي
و كله يقولي الرساله انرسلت
كلمت الزينيين
قالولي والله ما عندنا خدمة تأكيد وصول الرسالة
زين و الا مو زين
عاد الوطنية
اخاف اكتب يقولون اني عنصري وضد المستثمر الاجنبي
لكن بالنهاية
شوفوا الاسعار واذا مو الاسعار الخدمات
وقارنوا
شاركوا في
منتوا خسرانيين أكثر من اللي تدفوعونه
مساهمتكم مطلوبه
هناك 10 تعليقات:
ههههههههههههههههه
انا مت من الضحك عالفيديو
أقطها دبه وأرمي !!
ومسكين ما يصيد حتى شعري
يا سلااام
والحلو الأخ الصعيدي اللي عاليمين عجيب الحين هذيل اكيد كانو ساكنين يم راس السالميه بشقق العزابيه لا مجال للشك
الأغنيه اكيد الحداقه يموتون عليها
--------------
زين اللي ماشافت الزين
والوطنيه اللي مافيها وطنيه
ناس بواقه وطماعه
على أساس احنا شعب دفيـــــع
وهذا انته مطرش رساله وساائط
خل الوسائط حق العزيزين يعني حدك اثنين بس
مع ان الشرع حلل اربع :)
بس الاتقصاد بكل شي حلوو
"طلعت من المووضوع"
المهم اخوي اتمنى جد حل يخليهم يفكرون فينا شوي ويغيرون تسعيرتهم المسعوره
السالفه مصخت
لاعبين بحسبتنا يا بن الحلال احنا نسكت ونقول يالله وننطر المنافسة من شركة ثالثة
كل ما اتذكر اشتراك التليفون قبل وسعره
فعلا احتر
اسف
الحمله ما تخرع
لازم نزيد من الضربات الهجومية
عندنا و عندكم خير بتلكو مب احسن من زين او الوطنية .... بس اشوفهم هالجم شهر قاعدين يخفضون في اسعار المكالمات و بالذات الدولية لكن يبيلهم شغل اكثر على الانترنت
و الله فقرونا هالشركات
يعني من باب الانتقام بعد ما جنوب الصرة وصل لهم خط التلفون و الانترنت ارفعوا اسعار الفواتير و المكالمات
و الله النقال ترف زايد
كم مرة حاولت اقطه و الناس ما تتصل الا ليما انسى التلفون بالبيت و مكالمات مهمة
شكلي باشتري بيجر و الاجر على الله
الله يضربهم ان شاء الله بشركة ثالثة تشتريها شركة AT&T
و تكسر سوقهم و تفكنا من غثاهم
تبي الصج احنا معطينهم ويه
ندفع واحنا نضحك بدل ما نقلل مكالماتنا
وثانيا ليش الاتصالات حكر على هالشركتين
والشركة الثالثة تصدر بقانون
خل يزيد عدد الشركات وتزيد المنافسة
----
بعرف من وين طايح على هالأغنية
؟؟
هههههههههههههههه
فيديو كليييب إنما عجيييب
:)
ودمت بحب وود
يعني تتوقع هالحمله بتفت من عزيمتهم او بتأثر فيهم؟
يا اخي المستهلك الكويتي دائماً الحلقه الاضعف ... للأسف
وااااي يا هي هذي الزين موزين كلششششششش
احس قاعدين ينهبونا
والخدمه .. رديئه جدا جدا جدا
ابي اعرف شي
اول شي المسج الدولي بخمسين فلس والا 150 فلس ما عرفنا
!!!!
انا ودي اشارك بس اخاف البراك يزعل
ويطلع بالجرايد ويسفل بالديره
والله حملة تستاهل واحد يوقف معاها
روحو شوفو الدول الثانيه
انا ولا مره سافرت بمكان ولقيت اغلى من شركاتنا
طبعا عشان يكون عندك خبر
تره مدونتك بالراي اليوم مكتوبه :)
http://www.alraialaam.com/02-10-2007/ie5/articles.htm#3
جولة في عالم «المدونات»
[سعود عبدالعزيز العصفور]
إرسال تعليق