21‏/09‏/2007

Zain,, Mo Zain ... Wataniya,, Mo Wataniya




صج و ماهي نحاسة أو حسد
لكن هل من المعقول
ان هالشركتين اسعار خدماتهم للدول اللي تمتلك حق التشغيل فيها أرخص من البلد الام
ليش
دقيقه تذكرت شيئ ضحكني
زيــن خدمة التجوال
لشبكتها بأفريقيا
ما تعتبر خدمة تجوال ويتنقل الافريقي بين الدول اللي فيها
شبكة زين بدون اي رسوم اضافية او تكون خدمة تجوال
اشلون
انا اقولك
لكن ببسطها
لكم
لأن زين
تعتبر الكويت قارة وتطبقها في قارة الكويت
يعني عادي
انك لما تطلع من دولة حولي الى دولة الجهراء تعتبر مو تجوال
فهمتوها
على قولة حليمة
يعني اللي في نيجيريا
يروح مدغشقر او زامبيا
مو قاعد ينحسب عليه تجوال
كأنه طالع من راس السالمية رايح راس بنيد القار
المهم
أسعار عالية
و خدمات ردية
و كلكم شفتم هالشي برمضان
يعني ما طاف اكثر من اسبوع
يعني انا طالع فيها
بدز حق الربع
رسالة وسائط أكشخ

محد وصله شي
دزيت من جهاز ثاني
هم ما وصل شي
و كله يقولي الرساله انرسلت
كلمت الزينيين
قالولي والله ما عندنا خدمة تأكيد وصول الرسالة
زين و الا مو زين
عاد الوطنية
اخاف اكتب يقولون اني عنصري وضد المستثمر الاجنبي
لكن بالنهاية
شوفوا الاسعار واذا مو الاسعار الخدمات


وقارنوا

دشوا وشوفوا الشركات اللي بالخليج لاتروحون بعيد
و اخليكم مع ايام الزمن الجميل
شيكوا على الطراد و على الاخراج مال الفيديو كليب
و على شباب الفيديو كليب
اعجبتني الحركه و اهم طالعين من الماي
يعني حركة
اتعب على المخرج



شاركوا في


حملة نبيها أرخص

منتوا خسرانيين أكثر من اللي تدفوعونه

مساهمتكم مطلوبه

إرسال تعليق