30‏/05‏/2006

كلنا للكويت فلتكن الكويت دائرة واحدة

********
فعلا عيب علينا وما نستحي

والخلل فينا

مو من احمد الفهد ولا من عبدالله ولا من شرار

شسالفه يا جماعة

هل فعلا احنا متخوفين من ثلاث اشخاص

الخوف منا احنا مو منهم

مو اهم اللي ماسكينكم من شوشة راسكم ويقولون لكم صوتوا غصبا عنكم

لفلان والا علان

والله لو الكويت مية دائرة

هم ما راح يكون لأي احد تأثير

الا منا احنا

ترى انبطت جبدي صج

برتقالي وازرق

وانا اللي اشوفه بعيني كل شي أسود

لا أندور على شماعة

العيب فينا

وهالكلام قلته بمداخلات عديده

لما نعرف قيمة الديموقراطية والاحساس بالمسؤولية حزتها

نتسنع

ماني مطول

بتاريخ

7/6/2005

تكلمت عن المشكلة الاساسية

لمعالجة الوضع

وكان

في أستبيان بالشبكة الليبرالية

كم دائرة انتخاب تريد

لا خمس ولا عشر ولا دائرتين

دائرة واحده

أسمى معنى واشرف و أخلص وطنية لما نكون دائرة واحدة

لا عنصرية ولا طائفية ولا و لا

راح تبين النتيجة فعلا ماهي مخرجات الشعب الكويتي

هل فعلا اهو شعب واعي

هل مخرجاته تدل على وعيه وثقافته

اهني مربط الفرس

وانا متأكد اول نتيجة ما راح ترضي الجميع لكن الثانية

راح تكون فعلا

أهي الافضل

وينك يا بوقتيبة

يا جماعة تأملوا هل الكلمات

كلنا للكويت فالتكن الكويت لنا كلنا



إرسال تعليق